Pran aplikasyon anDoutEgzanp
Lafwa ki pote Viktwa Sou Dout la
Dout ka parèt kòm yon baryè enposib pou pase, men lafwa gen kapasite pou kraze tout obstak dout kreye. Lafwa se kle ki louvri pòt mirak yo, menm lè sikonstans yo sanble san espwa. Jezi te di disip li yo ke yon ti lafwa, menm si li piti kou yon grenn moutad, gen pouvwa pou deplase yon montay. Sa montre nou ke kantite lafwa pa enpòtan, men fòs konfyans nou mete nan Bondye se sa ki enpòtan. Nou pa bezwen yon lafwa san limit, nou bezwen jis yon lafwa senp ki fè nou repoze sou pwomès Bondye yo.
Lè dout anvayi kè nou, li esansyèl pou nou sonje Bondye toujou la pou ede nou. Nou wè sa klè nan istwa apot Pyè ki te mache sou dlo a. Pandan Pyè te kenbe je li fikse sou Jezi, li te kapab fè sa ki sanble enposib. Men, lè li te kòmanse gade van ak lanmè a, dout te pran l epi li te kòmanse koule. Menm lè sa a, Jezi te lonje men li pou sove Pyè. Sa montre nou ke menm lè dout fè nou febli, Bondye toujou pare pou leve nou si nou kriye a li menm pou mande l ede nou. Lafwa mande pou nou kenbe je nou fikse sou Bondye olye nou kite pwoblèm ak enkyetid yo distrè nou.
Yon lòt aspè enpòtan nan lafwa se chache aktivman prezans Bondye, sitou nan moman difikilte yo. Se lè nou ranpli kè nou ak Pawòl li epi pase tan nan lapriyè se konsa lafwa nou vin pi solid. Pawòl Bondye a di : lafwa vini nan sa nou tande e sa nou tande a se pawòl Bondye a. Lè nou kontinye koute, medite, epi aplike verite sa yo nan lavi nou, dout diminye e lafwa grandi. Nou dwe fè efò chak jou pou nou ranplase dout ak lafwa, menm si nou kòmanse piti. Bondye kontan wè efò tou piti nou yo pou mete konfyans nou nan li.
Finalman, lafwa ki pote laviktwa dout la se yon kado Bondye mete nan kè chak kwayan. Li se yon kado ki bezwen grandi e devlope chak jou atravè relasyon nou ak Bondye. Nou pa p janm kapab retire dout nèt, men nou kapab aprann mete konfyans nou nan Bondye malgre dout sa yo. Chak fwa nou fè yon ti pa nan lafwa, menm nan moman difisil yo, nou pwogrese nan viktwa sou dout. Bondye vle nou kwè, Li fidèl, menm lè Li sanble li ret an silans. Pa janm bliye sa Bondye deja fè pou nou, kijan Li ede nou bati yon lafwa ki fè nou pote viktwa sou dout nou yo chak jou.
Ekriti
Konsènan Plan sa a
Dout ka antre nan kè nou e fè nou pèdi konfyans nan Bondye. Nan gid lekti sa a, nou pral aprann konnen sous dout yo, konprann li, epi dekouvri kijan nou ka ranfòse lafwa nou lè nou chwazi mete konfyans nou nan Bondye. Atravè istwa Biblik yo, nou pral wè kouman Bondye an rete toujou fidèl menm lè nou gen dout vin sou chemen nou.
More
Nou ta renmen remèsye Joseph Vassa paske li bay plan sa a. Pou plis enfòmasyon, tanpri vizite: https://www.instagram.com/josephjeanmarcvassa/
