Pran aplikasyon anLiv Ansyen Testaman yoEgzanp
Pentatek – Fondasyon Ekriti a
Pentatek la, ki gen ladann senk premye liv yo nan Bib la, se yon fondasyon enpòtan pou konprann alyans Bondye ak limanite. Liv sa yo prezante nou kòmansman kreyasyon an, kote Bondye kreye tout bagay ak bonte ak pouvwa Li. Nan liv Jenèz la, nou wè kreyasyon Adan, premye moun lan, ak kòmansman relasyon Bondye ak lèzòm.
Lè nou antre nan Egzòd ak Levitik, nou aprann kijan Bondye te bay pèp Izrayèl la lwa yo kòm yon gid pou viv byen ak jan Li vle pou yo mache sou wout Li te trase pou yo a. Lwa sa yo gen ladann prensip fondamantal sou fason pou viv nan yon kominote ki respekte Bondye epi pwochen nou yo. Pa egzanp, dis kòmandman yo nan Egzòd 20 an montre nou direksyon klè sou fason pou n adore Bondye e pou n viv ak lòt moun.
Nan Nonm ak Detewonòm, nou kontinye wè kijan Bondye toujou montre fidelite Li anvè pèp li a, malgre dezobeyisans yo. Lwa Bondye yo, ansanm ak benediksyon Li pwomèt yo, rete solid pandan tout vwayaj pèp Izrayèl la nan dezè a, jiskaske yo rive nan Tè Pwomiz la. Kòm kretyen, lè nou reflechi sou pasaj sa yo, nou ka konprann pi byen jan Bondye se yon Bondye ki toujou fidèl, ki toujou pwoteje, e ki toujou la pou moun ki chache l avèk tout kè yo.
Konsènan Plan sa a
Gid lekti sa a ap gide lektè yo atravè aspè kle nan Liv Ansyen Testman yo, ofri yon vizyon sou estrikti, tèm, ak enpòtans divès liv yo. Pandan kat jou, n ap eseye konprann kontèks istorik, estil literè, ak mesaj ki fè chak liv yo diferan, pandan n ap pwofondi konpreyansyon ak apresyasyon nou pou Bib la an jeneral.
More
Nou ta renmen remèsye Joseph Vassa paske li bay plan sa a. Pou plis enfòmasyon, tanpri vizite: https://www.instagram.com/josephjeanmarcvassa/
