Mache nan Objektif BondyeEgzanp

Kisa yon objekif ye?

Nou kapab defini objektif kòm misyon Bondye voye ou akonpli sou tè a, oswa pwoblèm Bondye voye ou rezoud sou tè a. Se ak men Li, Bondye tef è ou, kreye nan Jezi Kris pou fè bon zèv, ke Bondye te prepare davans pou ou te fè.

Natirèlman, si ou vle konprann objektif yon pwodwi, mande moun ki pwodui l la. Se pou sa manifakti yo prepare manyèl ki eksplike fonksyonalite envansyon yo. Bondye se manifakti ak pwodiktè nou, e manyèl li pou lavi nou se Pawòl li. Twò souvan nou chèche tout kote eksepte bò kote Kreyatè nou an, pou konprann objektif lavi nou.

Kidonk, premye etap pou dekouvri objektif lavi ou se devlope yon relasyon ak Bondye atravè Jezi Kris epi plonje nan Pawòl Li. Etidye lavi lòt moun sou rezo sosyal p ap mennen ou pi pre apèl Bondye sou lavi ou. Ou ap jwenn wout objektif lavi ou lè Pawòl Bondye a vin gid ou.

Li enpòtan tou pou note objektif yon bagay pa fèt apre kreyasyon li, men anvan. Sa vle di, Bondye te gen objektif pou ou nan tèt li anvan li te kreye ou. Li di nan Jeremi, « Anvan mwen te fòme ou nan vant manman ou, mwen te konnen ou; anvan ou te fèt mwen te mete ou apa; mwen te nonmen ou kòm pwofèt pou nasyon yo. » Lè lavi mete pikan kwenna wout ou, sa ka ankouraje w pou sonje avan ou te fèt, Bondye te konnen ou, e li te deja planifye yon objektif pou ou.

Plan prensipal dyab la se vòlè objektif sa a. Li ap itilize limit ak defo ou yo pou fè ou santi ou pa merite pou akonpli destine ou. Lè atak sa yo vini sou wout ou, deklare verite Pawòl Bondye a sou lavi ou. Ki moun Bondye di ou ye? Pa kite pèsonn di ou yon lòt bagay.

Jeremi te gade reyalite lavi li epi li te vin ak yon pakèt eskiz kòmkwa li paka sèvi Bondye. Li pa t yon moun ki te konn pale byen. Li pa t gen ase matirite. Bondye te refite eskiz sa yo e Li te base sou verite sa yo, se Li menm Bondye ki va bay Jeremi enstriman ak mwayen pou akonpli objektif Li nan lavi li.

Mwen te nan lekòl segondè lè mwen te kòmanse pran apèl mwen o serye. Mwen te gen difikilte akademikman epi anpil pwofesè te di m ke mwen pa ta janm reyisi nan lavi. Men nan mitan wont ak doulè sa a, Bondye te di m leve epi akonpli objektif Li te kreye mwen pou li a. Moun yo te rele m yon echèk, men Bondye te rann sa klè pou mwen pou m pa kite yo rele sa Li menm Li pa Kreye m pou li.

Kidonk, ki eskiz ou genyen? Bondye ka itilize ou pou bati Peyi Wayom Li nenpòt kote sou tè a, kèlkeswa laj ou oswa etap lavi ou. Pa kite manti dyab la distrè ou. Pa gade tèt ou ba. Pa mete limit sou tèt ou. Epi sètènman, pa mete limit sou Bondye. Pa di tèt ou ke ou poko gen laj apwopriye pou Bondye itilize ou. Plis ou dekouvri objektif Bondye pou lavi ou bonè, pi bon sa ye. Se pou ou konnen jodi a, chak jou nan lavi w se pa moun ki déjà kalifye Bondye rele. Se Li menm ki kalifye moun li rele.