Pran aplikasyon anPa kontante ou ak sekiriteEgzanp
Viv vre idantite ou
Tout sa ou bezwen pou bèl, gen reyisit, enkwayab, beni, gen konfyans, jwenn respè, onore epi kontan deja la nan lavi ou. Li gendwa pa sanble sa, men se paske ou ap gade move bagay yo. Tout akouchman anvan lè gen risk konplikasyon. Konplikasyon ou te fè fas ak yo epi ki te fè ou sispann kwè se sèlman bagay ou te akouche twò vit. Poutan, Bondye te gen bonte pou li aprann ou yon leson pandan vwayaj sa a ki fè ou vin pi bon pou sèvis Li.
Pa dirije lavi ou oumenm. Kontwole pati nan ou ki panse li pi konnen pase Li. Kwè si ou pa gen yon bagay se paske ou poko pare pou sa. Kwè si li nan asyèt ou, ou kapab jere sa. Sispann gen dout sou fòs ou epi sispann teste lagras la. Pa fè sa ki fè ou santi ou byen; fè sa ki fè ou vin yon pi bon moun. Sa kapab mande pou gen yon nouvo nivo disiplin oswa yon nivo pi pwofon vilnerabilite. Pral gen yon pil bagay ki ap pèmèt ou chape anba ensekirite ou yo. Pa sèvi avèk yo. Pito ou gade ensikirite ou yo pou sa yo ye a: bagay kote lanmou kapab plen vid la. Renmen tèt ou ase pou ensekirite yo vin bèl.
Gen pasyans. Depi ou rive nan destinasyon ou te gen nan tèt ou, ou pral wè gen travay ki pou fèt toujou. Apresa ou pral swete pou tan an pase pi dousman pou kapab gentan pwofite sa ou ap gade a. Chak jou, jwenn yon bagay ki bèl nan lavi a. Gade pi lwen pase fakti yo, kè brize a, manman ki ap mouri a, papa ki pa la a, timoun ki ap bay pwoblèm lan ak rèv ki echwe yo. Gade bèlte ki genyen nan yon lòt jounen, yon lòt chans. Chwazi pou pa louwe jan bagay yo te dwe ye. Louwe Bondye poutèt Li te konnen ou potko pare.
Lè ou kòmanse dekouvri vre idantite ou, moun pral toujou gade si yo wè kèk pati nan ansyen ou menm lan. Gen kèk ki pa p wè yo; gen lòt ki ap kontante yo dekouvri nouvo oumenm ki amelyore a. Òganize yon sèvis komemoratif pou moun ki toujou rete sou erè ak move dezisyon ou yo. Si se sa yo chwazi wè, yo pa ta dwe gen aksè avèk benediksyon vwayaj ou a te ye a. Yo se move moun. Yo brize andedan. Ou pa dwe kite yo brize ou tou. Ou pa oblije pèdi tèt ou pou sove yo. Fòk ou gen fòs pou chwazi tèt ou.
Konsènan Plan sa a
Si ou pa fè fas ak vwa ensekirite, dout ak laperèz, yo pral vle dirije lavi ou. Ou pa ka fè vwa sa yo pe oswa pa okipe yo. Nan plan lekti 3 jou sa a, Sarah Jakes Roberts pral montre ou kijan pou fè fas ak limitasyon pase ou epi viv ak sa ki pa konfòtab pou vin yon moun anyen pa ka rete.
More
