Bay Bondye Premye PlasEgzanp

“Genyen konba lavi a avèk lèd Bondye”

Genyen yon konba pandan tout lavi ki negosye sou lavi nou. Yon kote gen enfliyans ansyen nati pechè a - ansyen tandans pèsistan yo, tantasyon ak peche ki te difisil pou nou simonte yo. Toutotan tan ap pase n a’ pran plis matirite nan mach nou ak Bondye, enfliyans nati pechè a ap febli. Yon lòt kote, gen enfliyans prezans Sentespri a k ap grandi nan lavi nou. Sa yo se de fòs opoze jan li dekri nan Galasi: 

“Kite lespri Bondye dirije lavi nou. Pa obeyi egzijans kò a. Kò a gen egzijans ki pa dakò ak egzijans Lespri Bondye a, epi Lespri Bondye a gen egzijans ki pa dakò ak egzijans kò a. Se de bagay ki pa mache andanm menm. Se sa’k fè nou pa kapab fè sa nou vle.” Galasi 5:16-17

Pawòl Bondye ankouraje nou “viv selon Lespri.” Lòt fason pou di, nou dwe pèmèt enfliyans Sentespri a genyen sou enfliyans nati pechè nan lavi nou. 

Anpil fwa, sa pi fasil pou di ke pou fè. Nati pechè nou an pouse nou pran desizyon pou satisfè anbisyon ak pasyon ki konsantre sou tèt nou. Sa rele tantasyon e Jak dekri li konsa: 

“Lè nou anba tantasyon, pèsonn pa dwe di, “Bondye ap tante m.” Paske menm jan Bondye pa janm anba tantasyon pou fè sa ki mal, konsa tou Bondye pa ka tante pèsonn pou fè l fè sa ki mal.” Jak 1:13-14

Se jiskaske nou pran yon desizyon pou kite yon tantasyon antre nan nou li vin tounen peche. 

“Konsa, move dezi a travay nan kè li, li fè’l fè peche a; Lè peche a fin fèt, li bay lanmò.” Jak 1:15

Men, nan fason ki etonan, akoz lanmou pwofon ak gras Bondye ki deplwaye pou tout Kretyen, Bondye padone nou epi netwaye nou de tout peche nou yo. Nou padone nèt a 100%. 

“Si nou rekonèt devan Bondye nou fè peche, li fidèl epi jis pou padone nou de tout peche pou netwaye nou de sa ki mal.” I Jan 1:9

Men toujou gen yon danje lè nou pèmèt peche ki pa kontwole. Pandan Bondye padone nou epi netwaye nou, Li pa nesesèman elimine pakou konsekans ak sikonstans ki detui peche kite dèyè yo. Pandan Bondye ap toujou ede nou nan moman difisil yo, menm lè se pwòp desizyon nou ki pote yo, pi bon aksyon nou se fè tout sa nou kapab pou evite pran desizyon sa yo. 

I Korent dekri de aspè enpòtan nan fason pou fè fas ak tantasyon ak peche: 

“Tout tantasyon nou jwenn sou chemen nou, se menm kalite tantasyon tout moun jwenn sou chemen yo tou. E Bondye li menm toujou kenbe pawòl li; li p’ap kite yo tante nou yon jan ki depase sa nou ka sipòte. Men lè nou va anba tantasyon an, la ban nou fòs pou nou ka sipòte’l, pou nou ka soti anba li.” I Korent 10:13

Dabò, nou pa pou kont nou nan lit nou. Ou ka konnen kounye a gen lòt Kretyen, ke se 30 jou oswa 30 tan nan mach yo ak Bondye, ki toujou ap lite ak peche ak tantasyon ki menm jan ak pa w’ la. 

Dezyèman, Bondye p’ap pèmèt yo tante nou nan fason ki depase nan yon pwen kote nou pa ka pran yon desizyon pou evite peche. L’ap toujou fè yon wout pou nou chape. Travay nou, kèlkeswa jan li ka difisil, se jwenn yon fason pou soti nan tantasyon nou an. 

Seksyon ki vini apre a bay yon estrateji ki baze sou Labib pou fè fas nan fason ki efikas ak peche ak tantasyon. Mete plan sa an aksyon se youn nan fason pou bay Bondye premye plas nan lavi ou!