Mataio 3
3
Ioane Bapatiso evopatato
Mareko 1:2-8; Luka 3:1-18; Ioane 1:19-28
1Volaganinai Ioane Bapatiso evogomaito, tanoleanai Iudea aonai evopatawai, netiiwai, 2âGemi rakava aora na iovetugamagiwai, e iolaka-waikule Palagu genai, kwalana Kupa Basileia pevekavi-vagi, (Palagu gena vegitatago tiavuna evega-rugaana ea).â 3EIoane ea Isaia peroveta talimana na ekilagiawai, evetaina ekilato,
âTalima ta tanoleanai ekeana, netina,
âVelekou gena raupara ioalevaa,
gena vogomai rauparana iovega-roriroria.ââ
4Ioane gena rapuga kamela lamulamuna na gekalaato, ia kapanai pae kopina. Gana gauganigani gaura ea koi e kwarere. 5Taunilimalima Ierusalema na e Iudea maparana na e Ioridana waina vanugara maparara na maki geagowai Ioane genai. 6Geria rakava gekilagi-matagairawai vou, ebapatisorawai Ioridana wainai.
7Parisea e Sadukea talimara vogovagi maki ia genai geagowai pene bapatisora ularana. Ioane na egitarato ne, evaikilarato, netiwato, âGomi warowaro natura, rai na pevaikilami, Palagu gena Kota kamuna tomana genana pio kali-maguli? 8Gemi rakava na pio vetugamagiwai, ne gemi maguli ai vuavua namara pio vega-walara. 9E aomi ai ragai pio kila, âAperaamo e ai tamamai, (pe Palagu na pene gapi-ragemi).â Avaikilamina, Palagu matiavuna, Aperaamo natuna evatu geriana pene vega-walara!â 10Etoma giro gautupu kwalarai warau pege taora; gaura pakurai vuavua namara ati gevega-walarana gautupura maparara pia patira, kalovai pia pia-ragera.
11âRai gena rakava aora na evetugamagi-kulena talimana, au na nanu na abapatisoana. Na au muliku na pene vogomai talimana gena tiavu iwavagi, au geku tiavu maki evanagiana, e ia gena tamaka maki au na ati pana kalara ripa. Ia na Veaga Palaguna e kalova na pene bapatisomi. 12Ia gimanai aleva-aleva gauna, vuiti momona e vuiti ganina genana pene aleva-gitagitara ulanana. Na vuiti getao-kouana numanai pia tao-koura, na vuiti momona vou pene kapua ati eputena kalovanai.â
Ioane na Iesu ebapatisoato
Mareko 1:9-11; Luka 3:21-22
13Volaganinai Iesu Galileia vanugana na Ioridana wainai eagoto, Ioane na pene bapatisoa ulanana. 14Na Ioane na ekila-waiato, netiwato, âPere nama goi na au poro bapatisoku. Rakagau gaurai au geku ai povogomai?â 15A Iesu na evega-geleato, netiwato, âKalana ono kalaa, kwalana kala rorirori pa Palagu gena ririwa kalara maparara pita rogona-tolera nama.â Ne gaurana Ioane na Iesu gena ririwa kalana ekalaato.
16Iesu ebapatisoato, nanu na erage-vagito kupa evekala-pakato, aonai ia na Veaga Palaguna egitaato, pune vetaina emarigoto ia atanai. 17Aonai karo ta kupa na ekea-rigoto, netiwato, âE au Natuku, raramanina, aulamagiana; e averere-rakavana maki.â
Chwazi Kounye ya:
Mataio 3: khz
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Š 2004, Wycliffe Bible Translators, Inc. All rights reserved.