Mat 1
1
Zozi Klisi 'la 'wlʋlʋda
(Luk 3.23-38)
1'Lɩka Zozi Klisi, ‑ɔ ‑glɩ 'lɛ Daviti 'la 'cʋ 'nyɩ Daviti ‑glɩ 'lɛ Ablaamʋ 'la 'cʋ na, ɔ tokadɔkadɔcɩ 'la 'ŋlɩ 'la ‑afluwaa.
2Ablaamʋ valɩ 'lɛ Izakɩ, Izakɩ ya 'lɛ Zakɔpʋ valɩ 'nyɩ Zakɔpʋ ya 'lɛ Zuda ɩya ɔ bholiecɩa valɩ. 3Zuda ɔya Tamalɩ valɩ 'lɛ Falɛsɩ ɩya Zalaa, Falɛsɩ ya 'lɛ Eslɔmʋ valɩ 'nyɩ Eslɔmʋ ya 'lɛ Aghlamʋ valɩ. 4Aghlamʋ valɩ 'lɛ Aminadabʋ, Aminadabʋ ya 'lɛ Nasɔɔn valɩ 'nyɩ Nasɔɔn ya 'lɛ Salɩmɔɔn valɩ. 5Salɩmɔɔn ‑ya Ghlaabʋ valɩ 'lɛ Bozʋ, Bozʋ ɔya 'Lutu ya 'lɛ Obɛdɩ valɩ 'nyɩ Obɛdɩ ya 'lɛ Zesee valɩ. 6Zesee valɩ 'lɛ nyɩbhɛlʋ Daviti 'nyɩ Daviti ɔya Ulii nʋŋlɔ ya 'lɛ Salomɔɔn valɩ. 7Salomɔɔn valɩ 'lɛ Ghloboamʋ, Ghloboamʋ ya 'lɛ Abia valɩ 'nyɩ Abia ya 'lɛ Azaa valɩ. 8Azaa valɩ 'lɛ Zozafatɩ, Zozafatɩ ya 'lɛ Zolamʋ valɩ 'nyɩ Zolamʋ ya 'lɛ Oziasɩ valɩ. 9Oziasɩ valɩ 'lɛ Zoatamʋ, Zoatamʋ ya 'lɛ Akazɩ valɩ 'nyɩ Akazɩ ya 'lɛ Ezekɩasɩ valɩ. 10Ezekɩasɩ valɩ 'lɛ Manasee, Manasee ya 'lɛ Amɔɔn valɩ 'nyɩ Amɔɔn ya 'lɛ Zoziasɩ valɩ. 11Zoziasɩ valɩ 'lɛ Zekoniasɩ ɩya ɔ bholiecɩ, 'bhlɛsʋan nɩkplaan ma famʋa 'lɛ Izlayɛlɩcuoa* geyliin Babilɔnʋbhlɩa 'kʋ na.
12Ma famʋ 'lɛ Izlayɛlɩcuoa Babilɔnʋbhlɩa 'kʋ na, dɛ Zekoniasɩ valɩ 'lɛ Salatɩɛlɩ 'nyɩ Salatiɛlɩ ya 'lɛ Zolobabɛlɩ valɩ. 13Zolobabɛlɩ valɩ 'lɛ Abiudʋ, Abiudʋ ya 'lɛ Eliakimʋ valɩ 'nyɩ Eliakimʋ ya 'lɛ Azɔlʋ valɩ. 14Azɔlʋ valɩ 'lɛ Sadɔkʋ, Sadɔkʋ ya 'lɛ Akimʋ valɩ 'nyɩ Akimʋ ya 'lɛ Eliudʋ valɩ. 15Eliudʋ valɩ 'lɛ Eliazalɩ, Eliazalɩ ya 'lɛ Mataan valɩ 'nyɩ Mataan ya 'lɛ Zakɔpʋ valɩ. 16Zakɔpʋ valɩ 'lɛ Zozɛfʋ, ‑ɔ cɩa 'lɛ Maliia, ‑ɔ valɩ 'lɛ Zozii, ma la 'lɛ Laagɔ 'la ‑Sasanyɔa* na.
17'Lɩka ‑zɔkpʋa 'fɩan 'la ne: ‑Ɩ bhɔlʋ 'lɛ Ablaamʋ 'la 'bhlɛsʋa nɩkplaan ‑aan 'nyɩ ‑ɩ ŋeni 'lɛ Daviti 'la 'bhlɛsʋa nɩkplaan na, ɩ nʋ ‑zɔkpʋ 'kʋgba ‑nmɔɔna. ‑Ɩ bhɔlʋ 'lɛ Daviti 'la 'bhlɛsʋa nɩkplaan ‑aan 'nyɩ ‑ɩ ŋeni 'lɛ 'bhlɛsʋa nɩkplaan ma famʋ 'lɛ Izlayɛlɩcuoa Babilɔnʋ na, ɩ nʋ ‑zɔkpʋ 'kʋgba ‑nmɔɔna. ‑Ɩ bhɔlʋ 'lɛ Izlayɛlɩcuoa 'la Babilɔnʋ ‑famʋdaa ‑aan 'nyɩ ‑ɩ ŋeni 'lɛ Klisi 'la 'bhlɛsʋa nɩkplaan na, ɩ nʋ ‑zɔkpa 'kʋgba ‑nmɔɔna.
Saa Malii valɩvalɩlɩ 'lɛ Zozii na
(Luk 2.1-7)
18'Lɩka saa ma valɩvalɩlɩ 'lɛ Zozi Klisi na. Zozii nɔ Malii ‑glɩa 'ŋlɔa ma ‑zlaa 'lɛ 'nyɩ ma ya 'lɛ Zozɛfʋ 'nyɩ na. ‑Ma 'fɩɔn ma 'ka 'lɛ 'sle pla na, ‑Kplɔkplɔ ‑Wugoa* 'la 'tɛtɩa nɩkplaan, Malii ya nɩkpla 'ma. 19Ɔ ‑ŋuto Zozɛfʋ ‑glɩa 'lɛ 'kʋnylugolunyɔ na, ɔ 'taa ‑wa le ɔ 'kaa Malii, ‑owe ‑owe 'cɩcɩɛ gbɔlʋ, ɔ yaa wabha le ɔ 'kaa 'mɔɔ cɩɩnwlʋlʋ 'cɩɩ. 20Na, ɔ ‑kʋa 'mɩɩ 'lɛ guguda na, ‑Kwlenyɔa 'la 'bhlaandleea* yɔɔ 'claawluun 'cla lebhe: «Zozɛfʋ, Daviti 'la 'cʋ, ‑n nʋŋlɔ Malii 'la 'sleen famʋlɩɛa ɩ 'la kalɩɔ pɔɔvʋ. Sa 'cileea ‑ɔ ‑kʋɔ 'lɛ nɩkplaan na, ɔ 'wlʋlʋ ‑Kplɔkplɔ ‑Wugoa nɩkplaan. 21Ɔ cɩ 'ka ŋodico valɩ ɩya ‑n 'kɔɔ Zozii la, sa ɔmɔ ‑ɔ ‑cɩ ka 'lɛ ɔla 'lɔlʋa ʋla nyinyia nɩkplaan ‑sa.»
22Ka ɩmɩ ‑naa ‑tɛtɛa ŋeni 'lɛ ɩya ɩmɩa ‑Kwlenyɔa nyɩtɛlɩa 'lɛ ɔla nekʋnyɩtɛnyɔa neen na, ɩ 'ka 'kʋglalɩ: 23'Lɩka 'ŋlɔa ‑ɔ 'ta ka 'lɛ ŋodi cibhlili na, cɩ 'ka nɩkpla 'ma ɩya ɔ 'ka ŋodico valɩ, ɩya ma 'kɔɔ Emanʋwɛlɩ la, ɩ sa ‑zɔn lebhe Laagɔ ‑kʋ ‑anyɩ cɩ.
24Daa Zozɛfʋ galɔ 'lɛ na, ɔ ya ɩmɩa ‑Kwlenyɔa 'la 'bhlaandleea solua 'mɔɔ 'lɛ na nʋ. Ɔ ya ɔ nʋŋlɔ 'sleen famʋ. 25‑Ma ɔ 'tɔɔ 'ŋlɔ la ‑aan 'nyɩ ɔ ya 'lɛ ɔla 'ciŋodicoa valɩ 'nyɩ Zozɛfʋ yɔɔ 'lɛ Zozii ŋlɩa zʋ.
Chwazi Kounye ya:
Mat 1: NTLD13
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Dida New Testament © Bible Society of Côte d'Ivoire, 2013.