Hechos Lucas Los Hechos ã daacátjidih jwĩ tʉ́i beh joyát pínah naáwát
Lucas Los Hechos ã daacátjidih jwĩ tʉ́i beh joyát pínah naáwát
¿Déhe tigaá daácniji? Lucas judío nihcanni jʉmna, griego wéheatjĩh ãt daacáp wʉt jĩ. Nin nʉ́odih ã daacát pínah jã́tih, San Lucasdih ãt daacáp tajĩ. Pablojeéh jib bejniji, (Hch 16.10-17; 20.5-15; 21.1-18; 27.1–28.16) cohni cã́ac ãt jʉmʉp wʉt jĩ. (Col 4.14)
¿Déhedih ãt daácji? Biíc yoobó San Lucasdih daácna, ã chéen, Teófilo, wʉ̃t jʉmnidih Los Hechosdihbʉt ãt daác wahap wʉt jĩ. Dawá jéihnit “Teófilo Roma tʉ́tchidih bóo, maátajeéh jʉmni, bʉ́dí dinero bíbohna, Lucasdih ãt daacát tʉ́ʉtʉp wʉt jĩ”, ĩ niíj jenah joiná caá. Obohjeéhtih, Teófilodih daác wahna yʉhna, nihat Jesúíhwãdihbʉt ãt daacáp wʉt jĩ.
¿Dedmant, débólih cah, ãt daácji? Dawá jéihnit “Jópchi 63 (Jesús ã wʉnat tʉ́ttimah 30 jópchi tʉ́ttimah) nin nʉ́odih ãt daacáp wʉt jĩ”, ĩ niíj jenah joiná caá. Bita jéihnit “Jópchi 70 (Jesús ã wʉnat tʉ́ttimah 37 jópchi tʉ́ttimah) ãt daacáp wʉt jĩ”, ĩ niíj jenah joiná caá. Pablo Roma tʉ́tchiboó nemat mʉʉ́boó chéne jópchi ã jʉmat tʉ́ttimah biíh yapatdih Lucas ãt daáccap wʉt jĩ. Ded pah tʉ́ttimah Pablodih ã yapatjidih ãt daáccap wʉt jĩ. Jópchi 70 (Jesús ã wʉnat tʉ́ttimah 37 jópchi tʉ́ttimah) Roma tʉ́tchi ãt iigáh bejep wʉt jĩ. Caán tʉ́ttimah Jesúíhwãdih Romano maáta bʉ́dí yeejép ĩt chãjap wʉt jĩ. Obohjeéhtih, Lucas caán yapatnadih ãt daáccap wʉt jĩ. “Pánihna, caán yapat pínah jã́tih Lucas Los Hechosdih ãt daacáp tajĩ”, chah dawá jéihnit ĩ niíj jenah joiná caá. Roma tʉ́tchiboó jʉmnit, San Lucasdih daácna, caánboó páantjeh jʉmnit, Los Hechosdihbʉt ãt daacáp tajĩ.
¿Dedé pínah tigaá ãt daácji? San Lucasdih daácna, Jesús ded pah ã bohéátji, ã chãjatjidihbʉt Lucas ãt daacáp wʉt jĩ. Los Hechosdih daácna, Jesús ã bohénitboó ded pah ĩ bohéátji, ĩ chãjatjidihbʉt ãt daacáp wʉt jĩ. Pánihna, ded pah Jesúíh dooná Jerusaléndih moondíh jwíih naóhnit, tʉ́ttimah Judea baácdih moondíh Samaria baácdih moondíhbʉt naóhnit, tʉ́ttimah nihat baácnadih moondíhbʉt ĩ naóh peetátdih Lucas ãt daacáp wʉt jĩ. Pánihna, ded pah Jesúíhwã poómpna ĩ jʉm jwíihatdih ãt daacáp wʉt jĩ.
Hechos ded pah ã jʉmat:
1. Jesús ã pée chãjatjidih Lucas ã jwʉ́ʉb daacát (1.1-11)
2. Pedrowã Judea baácboó ded pah ĩ chãjatji (1.12–12.25)
a. Judea baác, Galilea baác, Samaria baácboó ded pah Jesúíhwã ĩ chãjatji (1.12–9.31)
b. Fenicia baác, Chipre baác, Antioquía tʉ́tchiboó ded pah ĩ chãjatji (9.32–12.25)
3. Yʉʉ́p bóo tʉ́tchinaboó ded pah ĩ chãjatji (13.1–28.31)
a. Frigia baác, Galacia baácna Pablo ã jwíih bohé jibatji (13.1–15.35)
b. Pablo tʉ́ttimah ã bohé jibatji (15.36–18.22)
c. Pablo ã pée bohé jibatji (18.23–21.16)
d. Pablo Jerusalén tʉ́tchiboó ã jʉmʉchah, caandíh teonit, nemat mʉʉ́boó ĩt nematji (21.17–23.35)
e. Pablodih Cesarea tʉ́tchina wahnit, caánboó ĩ nematji (24.1–25.27)
f. Pablodih Roma tʉ́tchina wahnit, ĩ bejatji, caánboó ĩ nematji (27.1–28.31)
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2004, 2008, Wycliffe Bible Translators, Inc. All rights reserved.