Marqqoosa 11
11
Yesuusa damma bonchchora Yerusalaame gelida
(Maato. 21:1-11; Luqa. 19:28-40; Waha. 12:12-19)
1Un Yerusalaame ukkitera, Shamahe Derize kale yeze Beetefaagen Bitaaniya katamito yellida. Yesuusa fa tamaaruntsappa lam77untsana tiino dakkii, 2«Yinttappa tiino yeze kara gancce qitote; ize gelide gaar ooden toggii bi7ikaayze acinttii yeze hyare na7a yin denggoda, eza billii, hyayga ekkii yo7ote. 3Ooden yinttana, ‹Hyanno akkos oochche?› yaga7i oociko, ‹Laatstsii eza koyane, ellisii eza hyankka dakkoda› ga7ote» yagayda.
4Un hyanggi, hyare na7aya bale oge kale acinttii yezaya denggi billida. 5Yinna besite eqqide fettii fettii asunts unttago, «Hyare na7aya wayssades bille?» yagayda. 6E tamaaruntsi Yesuusa fana kiittezanno ohin, asunts ashshii ashshida. 7Unttii hyare na7aya Yesuusago ki7i, fa ma7ito E bantte yiixxin Yesuusa ye hyare na7aya toggida. 8Gaama asuntsi fa ma7ito ogite yiixxida; mahi melluntsi minxa tashe shaqqii, ogite yiixxida. 9Yesuusappa tiino yedhdhize asuntsin eza kaallize asuntsi fa qaaltto dhoqi yiizii,
«Hosaana!#11:9 Hosaana: Maato 21:9 bo7ote.
Laatstse suntsite ye7ize anjjinttidaya.#Maz. 118:25
10Ye7ize nu aday Dawute ka7itumtta anjjinttidanno.
Hosaana! Salo»
yagayda.
11Yesuusa Yerusalaame hyanggi, Xoozze Keetstsa gelida. Mahi ubbabazito wutii bi7idannippa suuba, sa7ita qammize gisho taphpho lam77i tamaaruntsara Bitaaniya katama qitida.
Yesuusa baaddide belese minxito
(Maato. 21:18-19)
12Wonttistti wode un Bitaaniyappa kezii hyammadera, Yesuusa nayzida. 13Hyaakora fettii belese minxitis zhil7o hyaye yezanno bi7i, Iilla afa aafe benttiko ga7i, be7ades izigo hyanggida, yezin izigo E hyanggize wode hyaye xalaalap attin fettii aafen denggikaaya; akkos gayko, belese aafze wode yellikaayze gisho. 14Yesuusa yinna belesito, «Yikke, neeppa asi aafe miippe» yagayda. E tamaaruntsi E gaazanno si7ida.
Yesuusa Xoozze Keetstsa zal7izuntsana kessida
(Maato. 21:12-17; Luqa. 19:45-48; Waha. 2:13-22)
15Un Yerusalaame qitida; Yesuusa Xooze Keetstsa gelii, ize bayzizuntsanan wonggizuntsana bale bay7e aykkida; mahi bira laammizuntsana xarphezan wolle bayzizuntsana oyda dakkii olii, 16asi akko bazin tookkii, Xoozze Keetstsa giddara aadhaame fana kayda. 17Yesuusa asuntsana hyannigaara yaga7i tamaarssida: «Geeshi Maxaafite, ‹Ta keetsita asi ubba Xooz woossize keetstsi maaqqada› ga7intti xaafinttida. Yezin yinttii izo faanno aachinttize wom7o mahida» yagayda.#Isa. 56:7; Er. 7:11
18Kahinunts hyalaquntsin higge asttamaaruntsi yinno si7i, eza wodhodes oge koye aykkida. Yezin gaama asuntsi E timirttite gaama qoppize gisho ees zhashtida.
19Sa7ita ugurize wode Yesuusan E tamaaruntsin katamappa gaxa kezida.
Belese minxita melida
(Maato. 21:20-22)
20Un wonttistti wode yinna ogitira aadhitera, yinna belesta xaphora melidaanno bi7ida. 21Phexiroosa tiirii, «Asttamaarizayo, yikke, neenii baaddide belesita melida» yagayda.
22Yesuusa mahi, «Xoozza ammanote. 23Taanii yinttis turo ohine; ooden fa wozintte so7ikaayzara gaydebazi hyanodanno ammanii, hyay deriza, ‹Denddii Abba wodhdho› yagayko ees hyanoda.#Maato. 17:20; 1 Qoro. 13:2 24Yinnii gisho, taanii yinttis ohine; Xoozza yin woossize bazin oocizebaz akko maaqqikon ekkide gaara ammanote, yin ekkoda. 25Xooz woossodes yin eqqize wode salo yeze yin Aday yin nagartto atto gawude fana, ooden yinttana naaqqidebaz yeziko, ees atto ga7ote. 26[Yezin as nagara yin atto ga7anxi ixxiko, salo yeze yin Adayn yin nagartto yinttis atto ga7oos» yagayda].
Yesuusa akko adetits wolqqara oochchizako oocinttida
(Maato. 21:23-27; Luqa. 20:1-8)
27Un mahi Yerusalaame hyanggida. Yesuusa Xoozze Keetstsa hyanttodera, kahinunts hyalaquntsi, higge asttamaaruntsin cimuntsi eego yi7i, 28«Neenii hyanno oochchodes nees akko adetits wolqqa yeze? Woy nees hyanna adetits wolqqito inggide oode?» yagayda.
29Yesuusa mahi unttago, «Ta yinttana fettibaz oocoda, taas ohote. Ta mahi hyanno akko adetits wolqqara oochchizako, yinttis ohoda. 30Wahannisa xinqqata Xoozappane woy asappa? Taas ohote» yagayda.
31Unttii fa gidda lalle aykkii, «Nuunii, ‹Xoozappa› gayko, E nuugo, ‹Yeezin, Wahannisa ohizanno akkos ammananxido?› yagawuda. 32‹Asappa gayko› asi ubba Wahannisa nabe maaqqizanno erane.» Maaqqide gisho asuntsis zhashtida. 33Yinnii gisho, unttii Yesuusago, «Nuunii eroos» yaga7i mahida;
Yesuusa, «Taanin hyanno akko adetits wolqqara oochchizako, yinttis ohoos» yagayda.
Chwazi Kounye ya:
Marqqoosa 11: OydaNTL
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The word for the World Ethiopia