1 Mose 11
11
Banga ki Babeli
1Mu thangu yina, batu babo va ntoto batuba ndinga yimosi ayi ndiolokolo yimosi. 2Bu babotuka ku ndambu yintotukilanga thangu, bamona ndimba mu tsi yi Sineyali ayi bakala muna. 3Bawu bakambasana: «Tuendeno! Tubumbeno biliki ayi tuvikeno biawu ku mbazu.» Basadila biliki banga matadi ayi bitima banga sima. 4Bakamba diaka: «Tutungeno mbanza yidi na banga kidi na phungi yintula nate ku zulu! Tukivangileno dizina diyenda makumbu muingi tubika muangana va ntoto wumvimba.»
5Buna Yave wukulumuka mu tala mbanza ayi phungi yi tunga bana ba batu. 6Buna Yave wukamba: «Bawu badi nkangu wumosi ayi balembo tubi phova mosi, yayi thonono yi divanga diawu. Bu batonini divanga diphila yayi, buna tona buabu ka balendi lembakana diambu dibakeni mu vanga ko. 7Tuendeno, tukulumuka muingi tusobikisa phova ziawu, muingi babika buela wakasana bawu na bawu!» 8Yave wubamuangisa va ntoto wumvimba ayi balembo mu tunga mbanza. 9Diawu fulu beni kitedolo Babeli. Bila kuna Yave kasobikisila ndinga zi batu babo badi va ntoto. Ayi kuna Yave #11.9 Babeli zina di Babikloni mu ki Ebeleo dibeki mbangudulu yi phila mosi banga tula mvualangani ( bibuku 7 ayi 9).kabamuangisa mu nza yimvimba.
Kikhulu ki nkuna Semi nate Abalami
10Tala kikhulu ki nkuna Semi. Bu kadukisa khama mosi yi mimvu, Semi wubuta muana bakala Alapakasadi, mvu miole mivioka landila khuka nlangu. 11Landila mbutukulu yi Alapakasadi, Semi wuzinga khama tanu zi mimvu. Wubuta bana bankaka ba babakala ayi babaketo.
12Alapakasadi wuzinga makumi matatu ayi mvu mintanu, wubuta Sela. 13Landila mbutukulu yi Sela, Alapakasadi wuzinga diaka khama ya ayi mvu mintatu. Wubuta bana bankaka bababakala ayi babaketo.
14Sela wuba makumi matatu ma mimvu buna wubuta Ebeli. 15Ku mbusa mbutukulu Ebeli, Sela wubuela khama ya ayi mvu ntatu. Wubuela buta bana bankaka ba babakala ayi ba baketo.
16Ebeli wuzinga makumi matatu ayi mvu mi nya, ayi wubuta Pelengi. 17Landila mbutukulu yi Pelengi, Ebeli wuzinga khama ya ayi makumi matatu ma mimvu. Wubuta bana bankaka bababakala ayi babaketo.
18Pelengi wuzinga makumi matatu ma mimvu, ayi wubuta Lehu. 19Landila mbutukulu yi Lehu, Pelengi wuzinga khama zole ayi vua di mimvu ayi wubuta bana bankaka bababakala ayi babaketo.
20Lehu wuzinga makumi matatu ayi mvu miole, ayi wubuta Selungi. 21Landila mbutukulu yi Selungi, Lehu wuzinga khama zole ayi mvu tsambudi. Wubuta bana bankaka bababakala ayi babaketo.
22Selungi wuzinga makumi matatu mamimvu, ayi wubuta Naholi. 23Landila mbutukulu yi Naholi, Selungi wuzinga diaka khama zole zi mimvu. Wubuta bana bankaka bababakala ayi babaketo.
24Naholi wuzinga makumi mole ayi vua di mimvu, ayi wubuta Tela. 25Landila mbutukulu yi Tela, Naholi wuzinga diaka khama mosi ayi kumi vua di mimvu, wubuta bana bankaka bababakala ayi babaketo.
26Tela wuzinga lusambudi lu mimvu, wubuta Abalami, Naholi ayi Halani.
27Tala kikhulu ki nkuna Tela: Tela wubuta Abalami, Naholi ayi Halani. Halani, wubuta Loti. 28Halani wufua mu thangu se diandi Tela wukhidi wu moyo, mu tsi yi kabutukila ku Uli mu tsi ba Kaladeya. 29Abalami ayi Naholi bakuela baketo. Zina di nketo Abalami, Salayi ayi zina di nketo Naholi, Milika, muana wunketo wu Halani. Halani wuba se di Milika ayi Iska. 30Salayi wuba sita, kasi ba ko ayi muana.
31Landila momo, Tela wubonga muana andi Abalami ayi Loti, ntekolo andi, muana Halani ayi Salayi, nzitu andi, nketo muana andi Abalami, batotuka va kimosi mu Uli, mu tsi Kaladeya mu kuenda ku tsi Kanana, batula ku Halani#11.31 Halami: mbanza yi Mezopotami yiba banga Uli ku wanda Mezopotami, fulu kisambudulungu ngonda., bakala kuna. 32Tela wuzinga khama zole ayi mvu mintanu ayi wufua ku Halani.
Chwazi Kounye ya:
1 Mose 11: YOM-CD
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
©2024 Seed Company in coordination with Forum Communautaire des Traducteurs de la Bible et Alphabétisation