Jenèz 9
9
1Konsa, Bondye te beni Noé avèk fis li yo. Li te di yo: “#Jen 1:28Se pou nou vin fekon, miltipliye, e ranpli latè. 2Lakrent nou, ak laperèz nou va vini sou chak bèt latè, ak chak zwazo syèl la. Tout bagay ki kouri atè, ak tout pwason lanmè, tout livre nan men nou. 3Chak bagay ki fè mouvman e ki vivan va sèvi kòm manje pou nou. Mwen bannou tout, jan Mwen te bay plant vèt la.
4“Sèlman, nou pa pou manje chè avèk lavi li, sa vle di #Lev 7:26 san li. 5Anverite, Mwen va egzije san lavi a paske se pa m. #Egz 21:28-29Menm soti nan chak bèt Mwen va egzije li. Epi sou chak òm, sou frè a chak òm, Mwen va egzije lavi a yon moun.
6 #
Egz 21:12-14
“Nenpòt moun ki vèse san lòm, pa lòm san pa l va vèse, paske nan imaj a Bondye, Li te fè lòm. 7Epi pou nou, #Jen 9:1se pou nou vin fekon, e miltipliye. Peple tè a anpil, e miltipliye ladann.”
8Alò, Bondye te pale avèk Noé ak fis li yo avè l. Li te di: 9“Gade byen, #Jen 6:18Mwen menm, Mwen vin etabli akò Mwen avèk nou, e avèk desandan aprè nou yo, 10epi avèk chak kreyati vivan ki avè w: zwazo, bèt kay yo, ak chak bèt ki sou latè avèk nou, tout sa ki sòti nan lach la, menm chak bèt sou tè a.
11“Mwen etabli akò Mwen avèk nou: Tout chè #Jen 8:21; És 54:9p ap janm koupe ankò pa dlo delij, ni p ap gen delij ankò pou detwi tè a.”
12Bondye te di: “Sa se #Jen 9:13-17 sign akò ke m ap fè antre Mwen avèk nou, e avèk chak kreyati vivan ki la avèk nou, jis rive pou tout jenerasyon k ap vini yo. 13Mwen mete lakansyèl Mwen nan nwaj la, epi l ap sèvi kòm yon sign pou akò antre Mwen menm avèk latè a. 14Li va rive ke lè m mennen yon nwaj sou latè, ke lakansyèl la ap vizib nan nwaj la, 15epi #Lev 26:42-45 Mwen va sonje akò ki antre Mwen menm avèk nou an, avèk chak kreyati vivan de tout chè. Epi janmen ankò dlo p ap vin yon delij pou detwi tout chè.
16“Lè lakansyèl la nan nwaj la, Mwen va gade sou li, pou m sonje #Jen 17:13-19 akò ki jis pou tout tan antre Bondye ak tout kreyati vivan pou tout chè ki sou latè yo.”
17Epi Bondye te di a Noé: “Sa se sign akò ke Mwen te etabli antre Mwen ak tout chè ki rete sou tè a.”
18Alò, fis Noé yo ki te soti nan lach la se te Sem, Cham, ak Japhet. Epi #Jen 9:25-27Cham te papa Canaan. 19Twa sila yo se te fis Noé yo, e #Jen 9:1-7 nan twa sila yo tout tè a te vin peple.
20Alò, Noé te kòmanse kiltive tè a. Li te plante yon chan rezen. 21Li te bwè diven, e li te #Pwov 20:1 vin sou. Konsa li te dekouvri kò li anndan tant li an.
22Cham, papa Canaan nan, #Hab 2:15te wè papa li toutouni, e li te pale sa a frè l yo deyò a.
23Men Sem avèk Japhet te pran yon abiman, yo te mete li sou chak zepòl li, e yo te mache an aryè pou kouvri nidite papa yo. Figi yo te vire akote pou yo pa wè nidite li.
24Lè Noé te leve nan dòmi aprè diven an, li te konnen sa ke pi jenn fis li a te fè l la. 25Konsa li te di:
#
Det 27:16
“ Canaan se modi.
#
Jos 9:23 Se sèvitè l ap ye anvè frè li yo.”
26Li te di osi:
#
Jen 14:20
“Beni se SENYÈ a, Bondye a Cham nan.
Canaan va sèvitè li.
27 #
Jen 10:2-5
Ke Bondye agrandi Japhet.
Kite li viv nan tant Sem yo.
Kite Canaan vin sèvitè li.”
28Noé te viv twa-san-senkant ane aprè delij la. 29Alò, tout jou a Noé yo te nèf-san-senkant ane, e li te mouri.
Chwazi Kounye ya:
Jenèz 9: BSA
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Copyright © 2017-2023 Ron Smith