Luk 3
3
Mi batizéwozan Jan Bale lé we fe
(Éz 40:3–5; Mt 3:1–12; Mk 1:1–8; Jn 1:19–28)
1-2Tibɛɛ Sézaa plale munu nwiin lɛɛ vu ta soruzan nya, Kazambale we fe Zakari be Jan lɛ bwi gi. ’Bɛ bléyi va, ’té Pɔns Pilat a Judé tɛrɛ la gbɔrɔnama nya, ’té Érɔd a Galilé tɛrɛ la gyamalati nya, ’té ’bɛ bwe Filip a Ituré tɛrɛ valé Trakɔnit tɛrɛ la gyamalati nya, ’té Lizanias a Abilɛne tɛrɛ la gyamalati nya, ’té Ane valé Kaifu a Balebanmunu ’lɛzannu nya.
3Kazambale we fe Jan lɛ aan wo, é gié Juudɛn yuu zi tɛrɛ faa la, a fele nya ’bɛna munu lɛ léé: ’Ka bli nɔla yé maa ka batizéwo a tɔmase nya yé Kazambale ’é ka ma we vo, 4we lé balelayezan Ézai a gyɛ sɛbɛ gi, a yɛrama; é léé:
Mi lé é ke siaana bwi gi, a dére lé é ke ’ko:
’Ka zi ma’lɛrɛ Mizan lɛ,
’Ka alé zinu ta bɔ ékema.
5Gɔ woronanu faa é dan fan lɛ,
Gɔ blɛn valé gɔpané faa ta é dan zana lɛ;
Zi lé é ke é plinle é dan drɔ lɛ,
Yé zi zɛozɛonu é dan kɛlɛ lɛ é yɔrɔyɔrɔ,
6Yé mi faa é dan Bale lé mibélile ye lɛ.
7Mi gu lé wo da Jan va léé, ’é wo batizéwo, é lé wo lɛ léé: Ménénwunnu bɛn, de ɛ we paa ka gi léé, bliflile lé é dan da lɛ bɛ, ka fwi a ’lɛɛ? 8We lé ka kɛla yé ’bɛ a gɔɔn léé, ka bli nɔla, ’ka ’bɛ kɛlɛ, yé té ka kun a fele ma ka bli gi léé, Abraam a ’wo tra nya, lo. Naa, maa lé ka lɛ léé, Kazambale é bɔalɛ léé, é gɔlɛ ’konu kinin Abraam gɔnɔlazannu nya. 9Wo zaa dɔ kɔɔn yili suni ma é kwakwa, bɛwemalé yili faa lé wo ’ka wo poro zima baan lo, woo wo bɔié yé woo wo vulian kyɛ va.
10Mi gu we laa Jan lee léé: É a lé ko kɛlɛ kaa? 11É lé wo lɛ léé: Mi lé sɔ fié ke a lee, ’é a do nɔ mi lé sɔ ’ka a lee lo, ’bɛzan lɛ; yé mi lé blefɛ ke a lee, a zo duo lé ’bɛ ézé kɛlɛ.
12Vagɔɔlisizannu da é ziin ’wo batizéwole we gi, yé wo lé Jan lɛ léé: Kozan, é a lé ko kɛlɛ kaa? 13É lé wo lɛ léé: Gɔɔli ’léé lé wa fe ka lɛ, té ka a taa zén a ta lo.
14Sunyanu é ziin, wo we laa a lee léé: Yé ko, é a lé ko kɛlɛ kaa? É lé wo lɛ léé: Té ka fɛ si gla nya mi do kpen lee lo, té ka dabli kɛlɛ mi do kpen lɛ lo, ka gooli ’é sɔ ka lɛ ma.
15Munu faa a Jan lɛbɛnna aan wo yé wo faa a ’wo bɔn‐in danna léé, dé Jan ɛ ke Krist nyaa? 16É lé wo faa lɛ léé: Maa ka batizéwoo ’yi nya, naa, mi lé é ke plɛplɛ é mini an ta yé a yara ’ka an yara lé maa alé sawala bale fuo lo, é dan da lɛ. Yee ɛ dan ka batizéwo lɛ Léli Sauun valé kyɛ nya. 17Alé guli a a lee. É dan élé ’sa sunwo lɛ yé é a fɛɛ yé é dan élé ’sawɔlɛ zén lɛ ’sawɔlɛ tadɔna, naa, é dan ’sa pɛɛnu kyɛ ble lɛ, kyɛ lé é ’ka dirian monomono lo, a va.
18’Bɛ zo lé Jan wenéné fe munu lɛ we bɛ kiɛre plale nya wo lɛ é ziin. 19Jan we pla gyamalati Érɔd lɛ a bwe na Érodias lé we ma, é valé wenyané faa lé é a kɛlɛ, wolé we ma, 20yé Érɔd wenyané taa pa élé wenyanénu ta Jan vɔle bokɔn gi nya.
Jan Jézu batizéwo
(Mt 3:13–17; Mk 1:9–11)
21Jan munu faa batizéwo aan wo, é Jézu batizéwo é ziin; é a bazorona aan wo, la lɛ so, 22yé Léli Sauun zun a ta é kɔlɛ nya bélé plala zo. Yé wo dére do ’ma la gi yé é léé: An Be, i sɔ an lɛ é baba; i va sɔlɛle a an gi blɛn.
Jézu tra tɔ nɔnɔle
(Mt 1:1–17)
23Jézu lɛɛ kɛlɛ aan wo, dé yɔ do wɔlɛ vu léé? é kun élé nyanama pale ma. Yé é dɔ munu gi léé, é a Jozɛfu be nya, yé Jozɛfu a Ééli be nya, 24yé Ééli a Matat be nya, yé Matat a Lévi be nya, yé Lévi a Mɛlki be nya, yé Mɛlki a Janai be nya, 25yé Janai a Jozɛfu be nya, yé Jozɛfu a Matatias be nya, yé Matatias a Amɔs be nya, yé Amɔs a Naum be nya, yé Naum a Esli be nya, yé Esli a Nagai be nya, 26yé Nagai a Maat be nya, yé Maat a Matatias be nya, yé Matatias a Séméin be nya, yé Séméin a Jozɛk be nya, yé Jozɛk a Joda be nya, 27yé Joda a Joanan be nya, yé Joanan a Réza be nya, yé Réza a Zorobabɛl be nya, yé Zorobabɛl a Salatiɛl be nya, yé Salatiɛl a Néri be nya, 28yé Néri a Mɛlki be nya, yé Mɛlki a Adi be nya, yé Adi a Kozam be nya, yé Kozam a Elmadam be nya, yé Elmadam a Eɛ be nya, 29yé Eɛ a Jézu be nya, yé Jézu a Éliézɛɛ be nya, yé Éliézɛɛ a Jorim be nya, yé Jorim a Matat be nya, yé Matat a Lévi be nya, 30yé Lévi a Siméɔn be nya, yé Siméɔn a Juda be nya, yé Juda a Jozɛfu be nya, yé Jozɛfu a Jonam be nya, yé Jonam a Éliakim be nya, 31yé Éliakim a Méléa be nya, yé Méléa a Ména be nya, yé Ména a Matata be nya, yé Matata a Natan be nya, yé Natan a David be nya, 32yé David a Izai be nya, yé Izai a Jobɛd be nya, yé Jobɛd a Booz be nya, yé Booz a Sala be nya, yé Sala a Naasɔn be nya, 33yé Naasɔn a Aminadab be nya, yé Aminadab a Adimɛn be nya, yé Adimɛn a Aani be nya, yé Aani a Esrɔm be nya, yé Esrɔm a Farɛs be nya, yé Farɛs a Juda be nya, 34yé Juda a Jakɔb be nya, yé Jakɔb a Izak be nya, yé Izak a Abraam be nya, yé Abraam a Tara be nya, yé Tara a Nakɔɔ be nya, 35yé Nakɔɔ a Séruk be nya, yé Séruk a Ragau be nya, yé Ragau a Falɛk be nya, yé Falɛk a Ébɛɛ be nya, yé Ébɛɛ a Sala be nya, 36yé Sala a Kainam be nya, yé Kainam a Aafasad be nya, yé Aafasad a Sɛm be nya, yé Sɛm a Noé be nya, yé Noé a Lamɛk be nya, 37yé Lamɛk a Matuzala be nya, yé Matuzala a Énɔk be nya, yé Énɔk a Jarɛd be nya, yé Jarɛd a Maléléɛl be nya, yé Maléléɛl a Kainana be nya, 38yé Kainana a Énɔs be nya, yé Énɔs a Sɛt be nya, yé Sɛt a Adam be nya, yé Adam a Kazambale be nya.
Chwazi Kounye ya:
Luk 3: GOURU
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Alliance Biblique de Cote d'Ivoire 1979