Wĭkheegŭn 10
10
1Ulāu, ŭlāu, yoohoolĕkw, tan wĕn skat wĕjĭksahakw kha’gŭnŭk ŭsepe‐wowe‐akaloosun‐hasĭk, kānookŭloo wĕjĭtkwa’tooĕt tama sĕkeu’, nŭt kŭmootŭnĕsks ha nooche‐kŭmootŭnĕsks.
2Kānookŭloo tan wĕjĭksŭhat kha’gŭnŭk, nŭt nāgŭm ŭseepe‐noojean‐kāootagāwĭn’.
3Noojĭskagŭnāatŭch oopantĕhtooŏn khagŭn, ha ŭseepŭk oojĭksŭtooawŏl ĕlāwĭstoolĭt, ha ootŭseepŭm oonŭstooha, ha noodĕhnekanow‐tekāwŏ.
4Ha toocheu’ kese nootĕphat ootŭseepŭm, oonekanowtekāwŏ, ha ŭseepŭk oonoosookooawŏl, eebŭchŭl oonŭstooawŏl.
5Ha pelooāyăl skat oonoosookoowowwewŏl, kānookŭloo owoonĕhĕ oosemootooawŏl: eebŭchŭl skat oonŭstooowwewol pelooāyăl.
6Yoot kwelooāwĕstooagŭn Sāsoos yahat: kānookŭloo skat oonŭstŭmoonea nĕstoomahgoohtĭt.
7Netwāje Sāsoos apch ootĭha: Ulāu, ŭlāu, yŏŏhoolĕkw, nel ŭseepŭk ookŭhagŭnoo’mooŏ.
8M’seu tanik pĕdabasĭtsŭbŭnĭk’ tŭmk mĕskw nel pĕgŭche’hawŏn, kŭmootŭnĕsksŭk, ha nooje‐kŭmootŭnĕsksŭk; kānookŭloo ŭseepŭk skat jĭksŭtooa‐wewŏbŭnĭhĭ.
9Nel khagŭn. Wĕn oochĭksŭhat nel n’hŭkĕk, kekĕh’ch, ha ŭksĕhhĕhch’ ha noodŭhĕhch, ha oomŭskŭmŭnch’ mecheemŭk.
10Kŭmootŭnĕsks wĕje‐pŭkŭchehat tĕpŏŏkt ookŭmoo’tŭnan, ha oonā’pateegan, ha wĕgŭlookan. Nel wĕje‐pŭkŭchehae ooteë’nea pŭmowsooagŭn, ha māch oomŭsĭhtoonea agwŏmk.
11Nel net kĕloowŏŏse‐ŭseepe‐ankāootakāwĭn. Kĕloowŏŏsĭt ooseepeankāootagāwĭn ootŭlepoonmŭn oopŭmowsooagŭn ooche ŭseep.
12Kānookŭloo tan mĕtŭmeemoot, ha skat oosepe‐ankāoo‐takāwenoowu’, ha tan wŏŏt skat tĕbĕlmakw ŭseep, nŭt nĕmĭhat malsŭmool wĕchkooehalĭt, ha oonŭkŭla ŭseep, ha oosemooka, ha malsŭm oomŭsŭna ha ooseesĕhtĕkooŏh ŭseep.
13Tan mĕtŭmeemoot oosemooka eebŭchŭl tĕpŏŏkt mŭtŭmeema, ha skat ootŭmetŭhamawe ŭseep.
14Nel n’kŭloowŏŏs ŭsepeankāootakāwĭn, ha nŭnoowŏk n’tŭseepŭmŭk, ha noojĭkchĭjegoos ntŭseepŭm ĭkŏŏk.
15Elĭkchejĭhĭt N’mĭhtakws, net ĕlĭkchejĭhook N’mĭhtakws, ha n’pŭmowsooagŭn n’tŭlepoonmŭn ooche ŭseepŭk.
16Ha kŭtŭkĭk ŭseepŭk n’teeuŏk, tanĭk skat tŭlāāyak yoot woweakŭloosŭnŭhasik. Nāgŭmow neaga n’tachooe‐pĕjĭphak, ha noodagook’ch ĕltakwsĭ, ha n’kwŭche‐mŭnĭheyŭk’ch, ha apeskooewŭch’ ŭsepe‐ankāoo‐takāwĭn.
17Netwāje N’mĭhtakws moosaalĭt, eebŭchŭl n’pŭmowsooagŭn n’tŭlepoo’nmŭn wĕlaman apchŭp n’kwewātoonp.
18Skat wĕn n’kwāhtagooŭn, kānookŭloo nelŭtā n’tŭlkĭmsĭn n’tŭlepoo’nŭmŭn. Utpĕltŭmooagŭn n’teĭn n’tŭlepoonmŭn, ha ŭtpeltŭmooagŭn ’nteĭn n’wekwāhtoon apch. Yoot ŭtploodŭmooagŭn noojĭmsŭnŭmŭn N’mĭhtakwsŭk.
19Net apch chŭchāpĕhlŭtooagŭn egĕhĕ Lĕsweesŭk oohŭkāāwŏk ooche yootŭl kŭlooswa’gŭnŭl.
20Uktanakwsooŭk nĭkt eetŭmootoo’ŭk: Mŭchŭhantooŭl ootë’uwŏl, ha wŏŏnătŭmenā: kĕkw wāje jĭksĕtooĕk’w?
21Kŭtŭkĭk eetŭmootooŭk: Skat yootŭl kŭlooswa’gŭnŭl tan mŭchuhantooŏl ā’ooŭt. Mŭchŭhantŭp’ kesepantĕhtooanŭl ooseeskool nĕhkabeleejĭl?
22Ha wĭkŭpaltemŭk oolajĭmkāwā’ Sāloosălĕm’k, ha pooneu’.
23Ha Sāsoos pŭmowse k’chehemeāwĭgwamŭk Sŏlŭmŭn ootahtoosanŭk.
24Netwāje Lĕsweesŭk weunĭkwawŏl, ootehawŏl: Tan kŭte‐kwŏŏne‐āsookātŭhasĭkenĕn? Newĕskoo’eŭn pabĕhkegĕhenĕ.
25Sāsoos ootasedāma: Kes keseyŭhoolneapŭn, kānookŭloo skat koolamsŭtŭmootepa. Lookāwa’gŭnŭl tanĭl ĕlatakeanĭl N’mĭhtakws weso’o’ŭnŭk, netŭl nĕspuwŏŏlămāweegĭl.
26Kānookŭloo skat kelooow’ koolămsŭtŭmooteepa eebŭchŭl skat kelooow’ nootŭseepŭmeunŭk, stŭkā’ tan yŏŏhoolĕkwpŭn.
27N’tŭseepŭmŭk oojĭksŭtŭmŭn’eal n’kŭlooswa’gŭnŭl, ha nŭnagook, ha noosoakagook.
28Ha n’meelan askŭmowsooagŭn, ha skatŭch wŏŏnmăje‐mĕchĭnhŭte’weŭk; ha skatŭch wĕn n’tăpkwĭlchĕhlŭgooŭn.
29N’mĭhtakws tan melĭtpŭnĭhĭ pëĕmenŭgŭmkĭl skatŭk m’seu; ha skat wĕn keseăpkwĭlchĕhlŭgoo’ëŭl N’mĭhtakwsŭl.
30Nel ha n’mĭhtakws N’pĕskooeepŭn.
31Netwāje Lĕsweesŭk apch wekwĕhtooneăl pŭnŏpskool oopŭnŏpskooha’nea.
32Sāsoos ootasedāma, eetŭm: Kese‐mĕsooātoolnea’pŭnĭl ŭktana’gootool lookāwa’gŭnŭl kĕlooŏkĭl N’mĭhtakwsŭk. Tan yoot neetŭl lookāwa’gŭnŭl wĕje‐kŭte‐pŭnŏpskwa’heyĕkw?
33Lĕsweesŭk ootasedāmawŏl, eetŭmootooŭk: Skat koojepŭnŏpskoohoolŏŏhpŭn kĕlooŏk lookāwagŭn; kānookŭloo eebŭchŭl ŭktalmeema Nŭkskam, ha eebŭchŭl kel ĕleskedăpā’weŭn Nŭkskamwĕhlŭs.
34Sāsoos ootasedāma eetŭm: Skat ëa ŭloowĭkhaseu ŭktŭplootŭmooagŭn‐ĭkooŏk: N’teetŭmoopŭn kelooow’ Nŭkskamoolteepa.
35Lewehatsŭpŭn nāgŭmow Nŭkskamŭk tanĭk oohŭkāwĭk’ooŏk Nŭkskam ookŭlooswagŭn egĕhāhpŭn, ha Nŭkskamāwā’ Wĭkheegŭn skat keseskwŏŏskātaseu,
36Uktŭlemawŏ nāgŭm tan Wĕgwŏŏsĭt Nŭkskam Nŭkskamwĕhlat ha ĕlkeemat ooskĭt’kŭmĭkw, Kel ŭktalmema Nŭkskam, eebŭchŭl n’teetŭmoo’pŭn, Nel Nŭkskam Ookwŏŏsŭl?
37Skat ŭlookāwŏn N’mĭhtakws ootlookāwa’gŭnŭl, moo sak wŏŏlămsŭtoowe’wĕkw.
38Kānookŭloo ŭlookean’, chegaŏŏ skat wŏŏlămsŭtoowewĕkw’, lookāwa’gŭnŭl wŏŏlămsŭtŭmook’. Wĕlaman kŭje’jetooneap N’mĭhtakws ëu n’hŭkĕk, ha nel n’tĭh N’mĭhtakws oohŭkĕk.
39Netwāje ăpch ootŭkwāje‐ŭtkoonawŏl; kānookŭloo oochemachĕheŭl oopetenooowĭk’ooŏk.
40Ha ăpch ŭlĭhe kameu’ seepook Sooldĕnk’, tan tŭmk Sabadĭs ĕtlepapteisooĕhlooĕtpŭn, ha net āĭt.
41Ha ŭktanakwsooŭk pedabase’neal, ha eetŭmootooŭk: Sabadĭs chŏŏdĕhloo skatama kesātoonāweepŭn kenooŏskoodeegŭn; kānookŭloo m’seu kĕkwsăl tanĭl Sabadĭs ĕlagŭnemătpŭn yootŭl ooskedăpeŭl, ŭlā’uŭl. 42Ha ŭktanakwsooŭk wĕlamsŭtŭkĭk oohŭkĕk net.
Chwazi Kounye ya:
Wĭkheegŭn 10: PQM1870
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
First published by the British and Foreign Bible Society in 1870.