Kufuma 5
5
1Mtano kutera wakaza Musa na Harun, wakamburra Farao, Nihuwo ateta Mzuri Izuwa wa Israeli; Ushighe wandu wangu waniarehie musi mbaha shighati. 2Akateta Farao, Mzuri niani nimsikie ighonda kuwashighiria Israeli? simitisiwemi Mzuri; nete siwashighiria Israeli. 3Wakateta Izuwa wa Waebrania atutorana: tutonge, twakusemba, mitongie ya misi mitatu shighati tumng’olie itasi Mzuri Izuwa wetu; asitubighe na ndwari nete na muhandi. 4Mfumwa wa Misri akawawurra, Nini unywi Musa na Harun muwaiting’ija wandu ndima yawo; tongeni hena miagho yenyu. 5Akateta Farao, Yoa, weingi ingeriaha wandu wa isanga, na unywi muwasowosha hena miagho yawo. 6Akawaaghanya Farao musi ula waimukii wa wandu, na wabaha, ekiteta, 7Musiwaingewa wandu nyasi ja kuarehia matofali sa iwuo na izana, watonge wawunganye nyasi wenye. 8Na wingi wa matofali wemaarehe iwuo na izana, muwagera; musiwadughushie, wanyoyia awa; amu ii weloz@, wekiteta; Tutonge tumng’olie itasi Izuwa wetu. 9Muwagere wome ndima idindie, waihire; wasiing’idaki viteto vihaya. 10Wakafuma waimuki wa wandu na wabaha, wakateta, Nihuwo ateta Farao, Simuingami nyasi. 11Na unywi, kuendieni nyasi handu mwajiwonia: 12Wakazarika wandu ghati ya isanga lose la Misri kuwunganya makuku handu ha mani. 13Waimukii wawo wakawasarija, wakateta, Fisheni ndima jenyu; kiteto cha musi musi wakwe, sandu jioho nyasi. 14Wakabighwa wabaha wa waana wa Israeli, waimukii wa Farao wewikiwe wanga yawo, wekiteta, Nini mwasafisha aghanyo lenyu nete iwuo, nete yoo, kuareha matofali sa kuwoka. 15Wakaza wabaha wa waana Israeli wakamuiya Farao, wekiteta, Nini wawaketia huwu wazoro wako? 16Tawaingwawo wazoro wako nyasi, wekituwurra. Areheni matofali: na yoa, wazoro webigwa, kake matekwa ni mawo wandu wako. 17Akateta, Mwanyoyia unywi, mwanyoyia; amu ii mwateta, Tutonge tumng’olie itasi Mzuri. 18Tongeni ingeriaha, mrehira ndima, nyasi tomuingwa unywi, kake munekung’ola kutara kwa matofali. 19Wakakuwona wabaha wa waana wa Israeli wawona mawiwi, vikitekwa Musiduhushe matofali menyu, ndima ya musi musi wakwe. 20Wakawatorana Musa na Harun, weimuke kuwarongekia, wekinafume hena Farao; 21Wakawawurra, Mzuri awayoe achile, mwatugera kushishirwa na kunyuka kwetu mesoni ha Farao, na mesoni ha wazoro wakwe, muwainge muhandi mkononi watukome. 22Musa akahunduka ha Mzuri, akateta, Mzuri, nini uwaketia mawiwi wandu awa? nini uniingija huwu; 23Too nikinaze hena Farao kuteta naye hena izina lako, awaketia mawiwi wandu awa; twawakija nete wandu wako.
Chwazi Kounye ya:
Kufuma 5: TAVETA
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.