Jɔn Tow wə aghəə
Tow wə aghəə
Tûm i dzuŋu zən kuum Yeso tə̀ Jɔn â tɔɔnə dii bə Yeso nə̀ tə loʼ ghɔɔmə zən i doʼo tən nə, tə “n bə doʼo kɔʼnə wù sɔŋtsuʼ, muu bə soʼo ghi saa.” (1.14).
Jɔn â loʼ ngəd umɔʼ n ngəd tə Yeso tən ighəm n ghii tə təbəghə. Tə â tɔ̀ɔ màʼlə kən tə̀ ghə̂ ghə adzəm n badla tə mbi tədzəm. Jɔn â tɔ̀ɔ tûm i dzuŋu zən sey nə̀ ghə̂ a loʼ ni zowkeeli tsu nə̀ Yeso loʼ bəghəshi, tə u loʼ soʼonə waa Kəzə̀ nsə nə̀ ghə̂ ghey ghə bəghəmnə tə̀ wi i keeli muu zə itsali. Tûm i dzuŋu i Jɔn zən dii may bə muu i Yeso Klisto nsə fwaʼ kə wi kə fa n mbi.
Dəŋə kə sə isə kə n tûm i dzuŋu i Jɔn zən dii shi tsu bə tsəə tey tə diinə nə̀ Yeso loʼ bəghəshi, Waa Kəzə̀ wey Zə̀ kə â təb naŋanə nə̀ saa i keeli ibəghəshi abə saa bəghəm fuunə tə̀ wi.
Jìi zey Jɔn bayyə naŋanə ghəə ghə n màʼlə kən
Tow wə aghəə1.1-18
Jɔn wù fuu u mmuu n Kəzə̀ mə nsə dzûmə tə Yeso tə sə isə tə 1.19-51
Fwaʼ kə Yeso n mgbaŋ 2.1–12.50
Tsuʼu mey Yeso doʼo guŋŋə kɔʼnə n Yerosalem 13.1–19.42
Nghee Mûkəbii Yeso zhəm dzəŋŋə bənə nə ivə nsə nghee tə bə diinə wû wə tə̀ ghə̂ a wi ghə 20.1-31
Ni tsu tsəd tsu, Yeso bə dii kpiʼi uwû n Galili 21.1-25
Chwazi Kounye ya:
Jɔn Tow wə aghəə: WEH
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2022 CABTAL