S. Matiu 7
7
1E na ma kiti sa, e nun mi kiti sama e ma.
2Katugu e na kiti sa ki nakhan ma, e e fan kitimane na ki ni, anun e se maliga nakhan na a malige e fan kha.
3Anun nan se tokhi i yoge to i lanfa ye ma, kono gbindona nakhan i gbe yei i mu na inyokho.
4Anun i fa a fale i lanfa kha ki mundui, in kha na yoge ba i ye ma, anun a mato, na gbindona a i gbe ye ma?
5Itan mukhu mayendena, gbindona nakhan i gbe ye ma, na singe ba na anun na khambi i fa na yoge tomane ki fanyi a bade i lanfa ye ma.
6Nakhan serien e na ma na bira barene bun: anun e na ma e nafuli geme bira kosene bun, e na ma e bodon kode e sanne bun, e fa khate e etan ibho.
7Makhanditi, anun a fie e mane: a fen anun e a tomane: na makonkon anun a rabimane e yera:
8Katugu nakhan o nakhan na makhandi ti, a a sote: anun nakhan na a fen, a a toe: anun nakhan na na makonkon, na rabimane.
9Anun danyokho mundu e yei, nakhan kha a di kheme na a khandi tamina, a gemena soma a yi ne?
10Hama kha a khandi yekhena a sanyina soma a yi ne?
11Ba, kha etan nakhan nyakhu fatan se fanyi fide e dine ma, faifa e Fafe nakhan arianna ni se fanyi fie e mane, nakhe na a makhandi.
12Nanara fe o fe nakhan kholli e ma mukhune kha a liga e ra e fan kha na nyokhon liga e ra, katugu tonna anun onabine namu nan ito ra.
13E kha so na de idenkhenkhi ni, katugu na de igbo ne anun na kirai igbo ne nakhan siga kasariya ni, anun a wodime na nakhe soe na ra.
14Katugu na de idenkhen anun na kirai idenkhen, nakhan siga simaya ni; anun keden‐keden nan a toma.
15E nyokhon lu onabi wulekhine ma, nakhe fama e khon, yekhe kidi ni, kono e kwi yumbuyuru khanyekhi nan na.
16E e kolonma e bogine nan ma. Mukhune gerena bolonye tansine ma, anun kode bogina boreborenyalla ma?
17Ba, a na ki ni wudi fanyina birin bogi fanyi nan tima, kono wudi kobina bogi kobi nan tima.
18Wudi fanyi mi bogi kobi tie, anun wudi kobi mi bogi fanyi tie.
19Wudi o wudi nakhan mi bogi fanyi tima, a fonmane anun a wolimane te ni.
20Nanara, e e kolonmane e bogine nan ma.
21E birin kha mi soma na arianna mangeya ni, nakhe aimane intan ma Marigi, Marigi, fo nakhan na in Fafe nakhan arianna ni a yamarina liga.
22E wiakhi a falama in kha ne na lokho ni, Marigi, Marigi, unkhu mi yi kawandi ba i khilla ra, anun unkhu nyinane kedi i khilla ra, anun walli gbe wiakhi ke i khilla ra?
23Anun na yanyi, in a falama e kha, intan mu sa e kolon ne: keli in fema, etan nakhe yulubi fe rabama.
24Ba, nakhan o nakhan na ma fala itoe me, anun a e liga, a maliga ne alo kheme kotekhina inde nakhan a bankhi ti fanyena ma.
25Anun tulena fa, anun yige gbe bokhon anun foyene mini, anun e na bankhina bombo, anun a mu fonkhi, katugu a tikhi na fanyena ma.
26Anun nakhan o nakhan na ma fala itoe ma, anun a mu e liga, na maliga ne alo kheme kobina inde, nakhan a bankhi ti mesendina ma.
27Anun tule fa, anun yige gbe bokhon, anun foyene mini, anun e na bankhina bombo; anun a fonkhi: anun a fon ki gbo.
28Anun a fa ligade ma, Yisa fala itoe nyan dema, na setene khabekhi a kharanna ma:
29Katugu a e kharankhi alo sembekanna, anun a mu e kharan alo e gbe kaidisebene.
Chwazi Kounye ya:
S. Matiu 7: YAL
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
First published by the British and Foreign Bible Society in 1907.