ଜହ ମୂଲୁ ହା଼ଡା
ମୂଲୁ ହା଼ଡା
ଜୀସୁ କ୍ରୀସ୍ତତି ଜୀୱୁ ଅ଼ଡ଼େ ଈ ଦାର୍ତିତା ମାଚି କାତା ଜହନ ରା଼ଚାମାନି ନେହିଁ କାବ୍ରୁ; ପୁଃନି ମେ଼ରାତି ସା଼ରିଗଟା ନେହିଁ କାବ୍ରୁ ପତିୟାଁ ବିତ୍ରାଟି ଈଦି ଆ଼ହିମାନେ ର଼ ପତି । ଏ଼ ବାରେ ପତିୟାଁଇଁ ନେହିଁ କାବ୍ରୁ ଇନେରି । ଏ଼ ପତିୟାଁ ଜୀସୁ କ୍ରୀସ୍ତ ହା଼ତି ଡା଼ୟୁ ମାତିୟୁ, ମାର୍କ, ଲୂକ ଅ଼ଡ଼େ ଜହନ ରା଼ଚାମାଚେରି । ପାଣ୍ତ୍ୱିଆ଼ତି ଜହନ ଜୀସୁ କ୍ରୀସ୍ତ ଜାର୍ନାଆ଼ତି ୯୦ ବାର୍ସା ଡା଼ୟୁ ଜହନ ରା଼ଚାମାନି ନେହିଁ କାବ୍ରୁ ରା଼ଚାମାଚେସି । ଈ ପତିତା ଜହନ ରା଼ଚିତି କାତା ୱେସା ହିଲାଆତି ଜିକେଏ; ୧ଜହ ୨ଜହ ଇଞ୍ଜାଁ ୩ଜହ ଆ଼କୁ ସମାନା ମାନୁ । ଜହନ ଏପିସିୟ ଗା଼ଡ଼ାତା ମାଚାକି ଈ ପତି ଏପିସତା ରା଼ସ୍କି ଆ଼ହାମାନେ ଇଞ୍ଜିହିଁ ଇନେରି ।
ଜୀସୁଇଁ କ୍ରୀସ୍ତ ଜୀୱୁତି ମାହାପୂରୁ ମୀର୍ଏସି ଇଞ୍ଜିହିଁ ଲ଼କୁ ଏ଼ନିକିଁ ନାମିନେରି, ଏ଼ଦାଆଁତାକି ଜହନ ଈ ପତି ରା଼ଚାମାଚେସି ୨୦:୩୧ । ଈଦାଆଁ ନାମାହାଁ ଏ଼ୱାଣି ଦ଼ରୁତଲେ ମା଼ର ଜୀୱୁ ବେଟାଆ଼ନାୟି । ଈ ପତି ଜୀହୁଦି ଅ଼ଡ଼େ ଜୀହୁଦିଆ଼ଆତି ଲ଼କୁତାକି ରା଼ସ୍କି ଆ଼ହାମାଚେ । ଜହନ ରା଼ଚାମାନି ନେହିଁ କାବ୍ରୁ ଏ଼ ତୀନିଗଟା ନେହିଁ କାବ୍ରୁ କିହାଁ ର଼ଲେ ମାନେ । ଜହନ ଜୀସୁ କିତି କାବାଆ଼ନି କାମାୟାଁ ହା଼ରେକା ରା଼ଚାମାନେସି ସାମା ପୁଣ୍ମ୍ବିକିନି ପୁସ୍ପନିକା ହା଼ରେକା ରା଼ଚାହିଲଅସି । ଏଟ୍କା ପତିୟାଁଣା ଜୀସୁ ବାପ୍ତିସ୍ମ ଅ଼ନାଣି ଅ଼ଡ଼େ ଲ଼କୁ ହିଲାଆ ଟା଼ୟୁତା ତାୟିପାରି ଆ଼ତାଣି ରା଼ସ୍କି ଆ଼ହାମାନେ ଏ଼ଦାଆଁ ଈ ପତିତା ରା଼ସ୍କି ଆ଼ହା ହିଲେଏ ।
ପତିତା ମାନାୟି;
୧ ତଲିତି ହା଼ଡା । ୧:୧-୧୮
୨ ବାପ୍ତିସ୍ମ ହୀନି ଜହନ ଅ଼ଡ଼େ ଜୀସୁତି ମୂଲୁ ସୀସୁୟାଁ । ୧:୧୯-୫୧
୩ ଜୀସୁ ସେ଼ବା କାମା ମା଼ଟ୍ନାୟି । ୨:୧–୧୨:୫୦
୪ ଜିରୁସାଲମ ଅ଼ଡ଼େ ଦାରିମାରି ଜୀସୁତି କାମା । ୧୩:୧–୧୯:୪୨
୫ ଜୀସୁ ହା଼କିଟି ୱେଣ୍ତେ ନିଙ୍ଗିନାୟି ଅ଼ଡ଼େ ସୀସୁୟାଁଇଁ ତ଼ଞ୍ଜା ଆ଼ନାୟି । ୨୦:୧-୩୧
୬ ଗାଲିଲିତା ୱେଣ୍ତେ ତ଼ଞ୍ଜା ଆ଼ନାୟି । ୨୧:୧-୨୫
Chwazi Kounye ya:
ଜହ ମୂଲୁ ହା଼ଡା: NTKii20
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The New Testament in Kuvi Language © The Word for the World International and Kuvi Translation Samithi, Semiliguda, Koraput, Odisha 2020