LUCAS 23
23
Jesusta Pilatopaq Ăąawpaqinman puskatanku
(Mt 27.1-2,11-14; Mc 15.1-5; Jn 18.28-38)
1Tukuyninku jataripuspataq, Jesusta Pilatopaq Ăąawpaqinman puskatanapaq pusapurqanku. 2Paypaq Ăąawpaqimpitaq, ajinata nispa tumpaykuyta qallarirqanku:
âKay runata imaymana rimaykunawan runakunapaq ch'aqwanampaq umankuna q'uĂąirichichkaqtam taripamuyku. Qulqi apthapiykunatapas manam athun suyukuna apaykachaqman qunaykichischu nispam niwanku, chaywampas payqa qhapaq suyu apaykachaq Mesiasmi kani nispam nichkan ânispa.
3Pilatotaq Jesusman ajinata tapurirqan:
âÂżQanchu judiokunapaq qhapaq suyu apaykachaqnin kankiri? âNispa.
Jesustaq ajinata jaynirqan:
âQan nichkanki ânispa.
4Chhikataq Pilatoqa kurajkaq sacerdotekunaman jinataq runakunaman ajinata nirqan:
âKay runapiqa manam ima juchatapas juchanchasqa kanampaqjina taripachkanichu ânispa.
5Chaywampas paykunaqa astawan kallpawanraq ajinata nispa mat'iykurqanku:
âYachachiyninkunawan tukuy llaqtapacha runakunapaq umantam ch'aqwanapaq q'uĂąirichichkan. Galilea suyupim qallarimurqan, kunantaq kay Judea suyupiqa kikillantataq ruwachkan ânispa.
Jesusqa Herodespaq Ăąawpaqimpi
6Chayta uyarispataq Pilatoqa, kay runaqa Galileamantachu kasqa nispam tapukurqan. 7Herodespaq apaykachasqan suyuniqmanta JesĂşs kasqanta yachaspataq, chayniqman pusqaruchipurqan, imaraykuchus Herodesqa chay p'unchaykunapi JerusalĂŠn llaqtallapitaqmi kachkarqan. 8Jesusta rikuspataq Herodesqa anchata kusirikurqan, unay p'unchaykunaĂąam payman rikuyta munasqa, imaraykuchus paymanta rimaqtam uyarisqa, jinataq uj musphay ruway ruwaqta rikuytam suyachkarqan. 9Paymantaq imaymana tapukuykunatam tapuykurqan, chaywampas Jesusqa manam imatapas jaynirqanchu. 10Kurajkaq sacerdotekuna jinataq Diospaq kamachiynin yachachiq runakunaqa chayllapitaqmi kachkarqanku, pikunachus anchata mat'iykuspam tumpaykuchkarqanku. 11Chhikataq Herodes, jinataq pallapallankunawan Jesusta juch'uycharqanku, paymanta asikunapaqtaq achkha chaniyuq sumaq p'achakunawan uj qhapaq suyu apaykachaq runapas kanman ajinatam p'achalliykuchirqanku. Chhikamantataq Herodesqa Pilato qayllaman wajmanta kutirichispa pusqaruchipurqallantaq. 12Chay Ăąawpaq p'unchaykunapi chhiqninjakuchkaspaqa, chhaqay p'unchaykunapi Pilatowan Herodeswanqa wawqimasintinjinam tukupurqanku.
Jesusta waĂąunampaq juchanchanku
(Mt 27.15-26; Mc 15.6-15; Jn 18.38â19.16)
13Pilatoqa kurajkaq sacerdotekunata, llaqtajawapi atiyniyuq runakunata jinataq llaqta runakunatawan tantaykurqan, 14paykunamantaq ajinata nirqan:
âQankuna kay runata puskatamuwankichis, llaqta runakunata ch'aqwanankupaq umankuta q'uĂąirichichkan nispa; chaywampas qankunapaq Ăąawpaqiykichispi nuqa payta tapuykuni, jinaspataq manam ima juchantapas imaynatachus qankunaqa tumpaykunkichis ajinamanjina taripachkanichu. 15Herodespas manallataqmi ima juchatapas paypi taripachkasqachu, chayraykum kutkatachimpuwanchis. RikuchkankichisĂąam, kay runaqa manam ima juchatapas waĂąuchisqa kanampaqjina ruwachkanchu. 16Allinta khirjasaq chhikamantataq kachawachapusaqmi ânispa. 17Sapa watam, Pascua raymipi Pilatoqa runakunaman kusichinanrayku uj wisq'asqa runata kachawachaq karqan.
18Chaywampas tukuyninkum uj kunkalla ajinata nispa waqach'akuyta qallarirqanku:
âÂĄJesuskaqta waĂąuchinankupaq kamachiy! ÂĄBarrabaskaqtataq kachawachapuwaychis! âNispa.
19Kay Barrabastaqa llaqta chawpipi ch'aqwanapaq uqharikusqanrayku jinataq uj runa waĂąuchisqanraykum wisq'aykusqaku. 20Pilatoqa Jesusta kachawachayta munaspaqa, paykunaman wajmantam rimapayarqan; 21Chaywampas paykunaqa athun kunkawanraq ajinata nispa waqach'akurqanku:
âÂĄChakataykuy! ÂĄChakataykuy! âNispa.
22Kimsa kutitawanraq Pilatoqa paykunaman ajinata nirqan:
âAjinaqa, Âżima mana allintataq ruwanri? Nuqaqa kay runapi manam ima juchantapas waĂąuchisqa kanampaqjina taripachkanichu. Allinta khirjasaq chhikamantataq kachawachapusaqmi ânispa.
23Chaywampas paykunaqa chakatasqa kanampaq maĂąaspa astawanraqmi waqach'akurqanku; chay tukuyta waqach'akuspataq munasqankumanjina ruwakunantam tariparqanku. 24Pilatotaq imatachus maĂąachkarqanku chaymanjina ruwanapaq iyaw nipurqan; 25ajinaqa mayqin runatachus chay runakuna ajllikuchkarqanku, mayqinchus ch'aqwanapaq uqharikusqanrayku jinataq waĂąuchisqanrayku wisq'asqa kachkarqan chaykaqtam kachawachapurqan, Jesuskaqtataq paykunapaq munayninman puskatapurqan.
Jesusqa chakataykusqam
(Mt 27.32-44; Mc 15.21-32; Jn 19.17-27)
26Jesusta chakataykunapaq apapuchkarqanku chhikataq, Cirene llaqtapi tiyakuq SimĂłn sutiyuq uj runata chajrananmanta jamuchkaqta jap'irqurqanku, paymantaq Jesuspaq qhipanta chakanata apanampaq qhiwqaruchirqanku.
27Achkha runakuna jinataq warmikuna waqachkarqanku jinataq paymanta llakirikuspa qaparikuspa qatichkarqanku. 28Chaywampas Jesusqa paykunata qhawkataspa ajinata nirqan:
âJerusalĂŠn warmikuna, ama nuqarayku waqaychischu, manachayqa qankunakikinmanta jinataq wawaykichismanta waqaychis. 29Imaraykuchus uj p'unchaykunam jamunqa, maypichus ajinata nikunqa: âKusikuyniyuqmi kanku pikunachus mana wawayuq kayta atichkanku chaykunaqa, mana wachakuq warmikuna, jinataq mana ima wawa uywanayuq kanku chaykunaqa.â 30Chhikataq runakunaqa athun urqukunaman ajinata niyta qallarinqaku: âÂĄNuqaykupataman lluqllaykumuychis!â Juch'uy urqukunamantaq: âÂĄPakaykuriwaychis!â âNispa. 31Imaraykuchus q'umir sach'awanchus kayta ruwachkanku chhikaqa, ÂżimataĂąataq ch'aki sach'akaqwan ruwapunqakuri? âNispa.
32Iskay mana allin ruwaq saqra runakunata Jesuswan kuska chakataykunapaq apallarqankutaqmi. 33Jayk'aqchus Suqu uma tullu nisqa chhikaman chayapurqanku chhikataq, Jesusta chakataykupurqanku, iskay mana allin ruwaq saqra runakunatawan kuska, ujtaqa paĂąaniqnimpi ujkaqtataq lluq'iniqnimpi chakataykurqanku. 34Jesustaq ajinata nirqan: âTatay, kay ruwasqankunamantaqa pampachariy, imaraykuchus manam ima ruwasqankutapas yachachkankuchuâ ânispa.
Pallapallakunataq paykunapura pujllanapijina Jesuspaq p'achanta ch'iqirachikunapaq qhawachkarqanku. 35Runakunataq chaypi qhawqasichkarqanku; jinataq llaqtajawapi atiyniyuqkunantin Jesusmanta ajinata nispa asikurqanku:
âWakinkunakaqman qhispichintaqmarĂŻ; paychus chiqampipuni Diospaq ajllisqan MesĂas kachkan chhikaqa, kunanqa pay kikin qhispichikuyta atillachuntaq ari ânispa.
36Pallapallakunaqa Jesusmanta asikurqallankutaqmi. Payman qayllachakurqanku jinaspataq k'allk'u vinota ujyaykunampaq jaywaykurqanku, 37ajinata nispa:
âÂĄQanchu judiokunapaq qhapaq suyu apaykachaqnin kanki chhikaqa, qan kikin qhispichikuy! âNispa.
38Umampataniqpitaq uj qilqasqa karqan, chaytaq ajinata nirqan: âKaymi judiokunapaq qhapaq suyu apaykachaqninqa.â âNispa.
39Chay mana allin ruwaq saqra runakuna warkuykusqa kachkarqanku chaykunamanta ujninkaq, Jesusman ajinata nispa mana allin rimaykunawan sutichallarqantaqmi:
âÂĄQanchu MesĂas kanki chhikaqa, qan kikin qhispichikuy, jinataq nuqaykumampas qhispichillawaychistaq! âNispa.
40Chaywampas ujkaqninqa ajinata nispam ujkaqninman k'amiykurqan:
âÂżQampas kikin Ăąak'ariyta Ăąak'arichkaspaqa, manachu uj chhikallantapas Diosman mancharichkankiri? âNispa. 41Nuqanchiskaqqa imachus Ăąak'arinanchistam Ăąak'arichkanchis, imaraykuchus tukuy imatachus ruwachkarqanchis chaymantajinam chiqan asut'ita jap'iqachkanchis. Chaywampas kay runaqa manam ima mana allinkunatapas ruwachkarqanchu ânispa. 42Chhikamantataq ajinatawan nirqan:
âJesĂşs, nuqamanta yuwarikuy jayk'aqchus qhapaq suyuykita apaykachayta qallaripunki chhikaqa ânispa. 43Jesustaq payman ajinata jaynirqan:
âSut'intam niyki, kunan kikin p'unchaymi qanqa nuqawan kuska uj sumaq chhikapi taripakupunki ânispa.
Jesuspaq waĂąupusqan
(Mt 27.45-56; Mc 15.33-41; Jn 19.28-30)
44Chawpi p'unchaymanta jinataq kimsa ch'isi pachakamataq, tukuy kaypacham laqa ch'amakapi qhiparapurqan. 45Intiqa manaĂąam k'ancharimpurqanchu, Diospaq wasin k'uchuniqpi kaq kurtinaqa kuska chawpinmantam llik'iwachakurqan. 46Jesustaq astawan kallpawanraqmi ajinata nispa qaparirqan:
âÂĄTatay, makiykipim ajayuyta jap'ichikuyki! âNispa.
Kayta nispataq, waĂąupurqan.
47Jayk'aqchus romano kurajkaq pallapalla kay ruwakusqanta rikurqan chhikaqa, Diosman ajinata nispa yupaycharqan:
âChiqampunim kay runaqa mana juchayuq karqan ânispa.
48Chaypi kachkarqanku chay runakunataq, chay tukuy imakuna ruwakuqta rikuspaqa, wijsapatankunallata takakuspam chay chhikamanta puripurqanku. 49Jesusman riqsiq runakunataq, tukuyninku karuniqllapi kachkarqanku; Galilea llaqtamantapacha qatimuchkarqanku chay warmikunapas ajinallatataqmi chaypi qhawachkarqanku.
Jesuspaq ayanta p'amp'anku
(Mt 27.57-61; Mc 15.42-47; Jn 19.38-42)
50Chaypitaq, allimpi jinataq chiqampi puriykachakuq Judea suyupi kaq Arimatea nisqa llaqtamanta JosĂŠ sutiyuq uj runa karqan. Paytaq judiokunapaq Athunkaq Tantakuynimpi kaq runam karqan. 51Kay Joseqa Diospaq qhapaq suyuntam suyachkarqan, jinataq payqa Athunkaq Tantakuypaq chay ruwasqankunataqa manam iyaw nichkarqanchu, 52Pilato qayllaman purispataq Jesuspaq ayanta maĂąakumpurqan. 53Chakanamanta apaqampurqanku chhikamantataq, uj linomanta qatanapi llawuykuspam qarqapi jutk'usqa aya pakana jutk'uman churaykumpurqan, maypichus manaraqmi pitapas pakachkasqakuchu chayman. 54Chay p'unchayqa samarana p'unchaypaq wakichana p'unchaymi karqan, chay p'unchaytaq qallaykuchkarqanmi.
55Galilea suyumantapacha Jesuswan kuska jamuchkarqanku chay warmikunaqa, purispa aya pakana jutk'uta rikumurqanku, jinaspataq imaynapichus Jesuspaq ayanta churaykumuchkasqaku chaytam rikumurqanku. 56Jayk'aqchus wasiman kutirimpurqanku chhikataq, sumaq q'apaq jampikunata jinataq jawinakunatawan wakichamurqanku.
Jesuspaq kawsarimpusqanmanta willay
(Mt 28.1-10; Mc 16.1-8; Jn 20.1-10)
Warmikunataq samarana p'unchaypiqa, imaynatachus kamachiykunapi nichkarqan chaymanjinam samarampurqanku.
Chwazi Kounye ya:
LUCAS 23: QNBNT
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Nuevo Testamento Quechua Norte Boliviano Š Sociedad BĂblica Boliviana, 2006.