KUZOYA 5
5
Kivalwa cha Adamu
(1 Mal. 1.1-4)
1Ichi nicho kivalwa cha Adamu. (Iji Mlungu oremuumbieghe mdamu, orem'bonyereghe kwa fwana yake cheni.#Kuz. 1.27-28 2Orewiumbieghe mndwawomi na muka, ukawirasimia na kuwiwanga irina jawo “Mdamu.”)#Mat. 19.4; Mk. 10.6 3Iji Adamu orekoghe mundu wa miaka ighana na mirongo idadu orevaeghe mwana ufwanane nao moni, ukammbanga irina jake Sethi. 4Nyuma ya kumva Sethi, Adamu ukakaia miaka maghana wunyanya, ukava wana wamu wa womi na wa waka. 5Matuku ghose agho Adamu orekaieghe ndoenyi ni miaka maghana ikenda na mirongo idadu, nao ukafwa.
6Iji Sethi orekoghe mundu wa miaka ighana na isanu, oremvaeghe Enoshi. 7Nyuma ya kumva Enoshi, Sethi ukakaia miaka maghana wunyanya na mfungade; ukava wana wamu wa womi na wa waka. 8Matuku ghose gha Sethi gherekoghe miaka maghana ikenda na ikumi na iwi, nao ukafwa.
9Iji Enoshi orekoghe mundu wa miaka mirongo ikenda, oremvaeghe Kenani. 10Nyuma ya kumva Kenani, Enoshi ukakaia miaka maghana wunyanya na ikumi na isanu; ukava wana wamu wa womi na wa waka. 11Matuku ghose gha Enoshi gherekoghe miaka maghana ikenda na isanu, nao ukafwa.
12Iji Kenani orekoghe mundu wa miaka mirongo mfungade, oremvaeghe Mahalaleli. 13Nyuma ya kumva Mahalaleli, Kenani ukakaia miaka magana wunyanya na mirongo ina; ukava wana wamu wa womi na wa waka. 14Matuku ghose gha Kenani gherekoghe miaka maghana ikenda na ikumi, nao ukafwa.
15Iji Mahalaleli orekoghe mundu wa miaka mirongo irandadu na isanu, oremvaeghe Jaredi. 16Nyuma ya kumva Jaredi, Mahalaleli ukakaia miaka maghana wunyanya na mirongo idadu; ukava wana wamu wa womi na wa waka. 17Matuku ghose gha Mahalaleli gherekoghe miaka maghana wunyanya na mirongo ikenda na isanu, nao ukafwa.
18Iji Jaredi orekoghe mundu wa miaka ighana na mirongo irandadu na iwi, oremvaeghe Enoko. 19Nyuma ya kumva Enoko, Jaredi ukakaia miaka maghana wunyanya; ukava wana wamu wa womi na wa waka. 20Matuku ghose gha Jaredi gherekoghe miaka maghana ikenda na mirongo irandadu na iwi, nao ukafwa.
21Iji Enoko orekoghe mundu wa miaka mirongo irandadu na isanu, oremvaeghe Methusela. 22Nyuma ya Methusela kuvalwa, Enoko ukawadana na Mlungu kwa miaka maghana adadu, nao ukava wana wamu wa womi na wa waka. 23Matuku ghose Enoko ukaie ndoenyi ni miaka maghana adadu na mirongo irandadu na isanu. 24Enoko ukawadana na Mlungu nao ukasoweka, kwa kukaia Mlungu oremdwaeghe noko.#Juda. 14; Waeb. 11.5
25Iji Methusela orekoghe mundu wa miaka ighana na mirongo wunyanya na mfungade, oremvaeghe Lameki. 26Nyuma ya kumva Lameki, Methusela ukakaia miaka maghana mfungade mirongo wunyanya na iwi; ukava wana wamu wa womi na wa waka. 27Matuku ghose gha Methusela gherekoghe miaka maghana ikenda mirongo irandadu na ikenda, nao ukafwa.
28Iji Lameki orekoghe mundu wa miaka ighana na mirongo wunyanya na iwi, orevaeghe mwana wa womi, 29ukammbanga Nuhu ukaghamba, “Kwa ndoe icheni BWANA uiwasire njowe, mwana uhu uchadiredia wuhoreshi kufuma kwa wasi na kazi ra mikonu yedu.” 30Nyuma ya kumva Nuhu, Lameki ukakaia miaka maghana masanu mirongo ikenda na isanu, ukava wana wamu wa womi na wa waka. 31Matuku ghose gha Lameki gherekoghe miaka maghana mfungade mirongo mfungade na mfungade, nao ukafwa.
32Nao nyuma ya Nuhu kuvika miaka maghana masanu, ukawiva Shemu, Hamu na Jafethi.
Chwazi Kounye ya:
KUZOYA 5: TAITA
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
©Bible Society of Kenya, 1997
All rights reserved.