Sòm 135
135
SÒM 135 (134)
Lwanj pou Senyè a
1Lwanj #Sòm 104.35; 113.1 pou Senyè a!
Fè lwanj Senyè a!
Nou tout k'ap sèvi Senyè a,
2nou #Det 10.8; Sòm 92.13 tout ki kanpe lakay li,
nan kote ki apa pou Bondye nou an,
fè lwanj li!
3Fè #Sòm 100.5; 147.1 lwanj Senyè a, paske li gen bon kè!
Chante chante pou li, paske li aji byen ak nou.
4Se #Egz 19.5; Det 7.6,7 li menm ki te chwazi Jakòb pou moun pa l,
se li menm ki te chwazi pèp Izrayèl la pou pèp li.
5Mwen #Egz 18.11; Sòm 95.3 konnen Senyè nou an gen gwo pouvwa.
Li gen pouvwa pase tout lòt bondye yo.
6Li #Sòm 115.3 fè sa li vle nan syèl ak sou latè,
sou lanmè ak nan fon lanmè.
7Li #Jòb 38.22,25; Jer 10.13; Zak 10.1 fè nyaj yo leve kote syèl la kole ak latè a,
li fè zèklè ak lapli,
li fè van yo sòti kote li sere yo a.
8Se #Egz 12.29; Sòm 78.51 li menm ki te touye tout premye pitit gason
ak tout premye pòte mal zannimo nan peyi Lejip.
9Se #Det 6.22 li ki te fè anpil mirak ak mèvèy
nan peyi Lejip pou pini Farawon an ansanm ak tout moun k'ap sèvi l yo.
10Li #Sòm 136.17-22 detwi anpil nasyon,
li touye wa ki te gen pouvwa:
11Siyon, #Nonb 21.21-26,33-35; Joz 12.7-24 wa peyi Amon an,
Og, wa peyi Bazan an
ansanm ak tout wa nan peyi Kanaran yo.
12Li #Joz 23.4,5 pran peyi yo, li bay pèp li a,
wi, li bay moun pèp Izrayèl yo peyi moun sa yo pou yo rete.
13Senyè, #Egz 3.15; Sòm 102.12 lèzòm ap toujou konnen ki moun ou ye.
Yo p'ap janm bliye ou!
14Senyè a #Det 32.36; Sòm 90.13 va pran defans pèp li a,
l'a gen pitye pou moun k'ap sèvi l yo.
15Zidòl #Sòm 115.4-8 nasyon yo se bagay ki fèt ak ajan, ak lò.
Se moun ki fè yo ak men yo.
16Yo gen bouch, men yo pa ka pale.
Yo gen je, men yo pa ka wè.
17Yo gen zòrèy, men yo pa ka tande.
Yo pa gen yon ti souf nan bouch yo.
18Moun ki fè zidòl yo ansanm ak tout moun ki mete konfyans yo nan yo,
se pou yo tounen tankou yo.
19Nou #Sòm 115.9-11 menm, pèp Izrayèl la, fè lwanj Senyè a!
Nou menm, prèt Bondye yo, fè lwanj Senyè a!
20Nou menm k'ap sèvi nan Tanp li a, fè lwanj Senyè a!
Nou tout ki gen krentif pou Senyè a, fè lwanj li!
21 #
Sòm 132.14 Fè lwanj Senyè a nan peyi Siyon.
Nan lavil Jerizalèm, kote l rete a.
Lwanj pou Senyè a!
Chwazi Kounye ya:
Sòm 135: HAT98
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.