(1b) Ala kontan mwen te kontan lè yo di m: — Ann ale lakay Senyè a. Kounyeya, men li: nou rive devan pòtay lavil Jerizalèm. Jerizalèm, ou se yon lavil yo rebati, yon lavil kote tout bagay byen ranje. Se la tout branch fanmi yo ap vin sanble. Tout branch fanmi pèp Senyè a, se la y'ap vini pou di Senyè a mèsi, jan li te ba yo lòd pou yo fè a. Se la pitit pitit David yo rete pou yo dirije, pou yo gouvènen pèp la. Lapriyè Bondye pou pa gen dezòd lavil Jerizalèm ankò. Se pou tout moun ki renmen ou yo viv ak kè poze. Se pou pa gen lagè sou ranpa lavil la. Se pou nan palè wa a tout moun viv ak kè poze. Poutèt fanmi m yo ak zanmi m yo, m'ap di: Benediksyon Bondye sou lavil la! Poutèt kay Senyè a, Bondye nou an, ki nan lavil la, m'ap mande Bondye pou fè kè ou kontan.
Li Sòm 122
Koute Sòm 122
Pataje
Konpare tout Vèsyon yo: Sòm 122:1-9
Sere vèsè yo, li offline, gade klip ansèyman, ak plis ankò!
YouVersion sèvi ak cookies pou pèsonalize eksperyans ou. Lè w sèvi ak sit entènèt nou an, ou aksepte itilizasyon cookies yo jan sa dekri nan Règleman sou enfòmasyon privenou an
Akèy
Bib
Plan yo
Videyo