Pwovèb 8:22-29

Senyè a te fè m lè li te fenk konmanse ak plan travay li. Li te fè m lontan lontan anvan tout bagay. Li te fè mwen nan konmansman nèt, Li fè mwen anpremye anvan tout bagay sou latè. Lè m te fenk parèt, pat ankò gen lanmè. Pat ankò gen okenn sous dlo. Lè m te fèt la, pat ankò gen okenn mòn menm. Ata ti mòn yo pat ankò nan plas yo. Bondye pa te ko fè tè a ak jaden yo. Menm premye grenn pousyètè pa te ko fèt. Mwen te la lè li t'ap mete syèl la nan plas li, lè li t'ap trase liny kote syèl la kontre ak latè a. Mwen te la lè li t'ap mete nyaj yo nan syèl la, lè li t'ap fè sous dlo pete anba lanmè a. Mwen te la lè li t'ap bay dlo lanmè a limit pou l pa depase, lè li t'ap poze fondasyon tè a.