Jan 18:3-6

Se konsa, Jida al nan jaden an. Li te gen yon kolonn sòlda ansanm ak kèk gad avè li. Se chèf prèt yo ak gwoup farizyen yo ki te voye yo avè li. Yo tout te gen zam, yo te pote fannal ak gwo chandèl tou limen. Jezi menm ki te konnen sa ki te pou rive l la, mache sou yo, li mande yo: — Ki moun n'ap chache? Yo reponn li: — Jezi, nonm Nazarèt la. Jezi di yo: — Se mwen. Jida, nonm ki t'ap trayi l la, te la avèk yo. Lè Jezi di yo: Se mwen, yo renka kò yo dèyè, yo tonbe atè.