Jij 17
17
Zidòl Mika yo
1Te gen yon nonm yo rele Mika #Jij 17.8; 18.2 Li te rete nan zòn mòn peyi Efrayim. 2Li #Rit 3.10; 1 Sam 15.13 di manman l konsa:
— Lè yo te vòlò milsan (1.100) pyès lajan ou yo, ou te bay vòlò a madichon. Nou te tande ou ak pwòp zòrèy nou. Gade, men lajan an nan men m. Se mwen menm ki te pran yo.
Manman an di l:
— Se pou Senyè a beni ou, pitit mwen, pou sa!
3Mika #Egz 20.4; 34.17; Lev 19.4 renmèt milsan pyès lajan yo bay manman l. Manman an di l konsa:
— Mwen te mete lajan an apa pou Senyè a pou anyen pa rive ou, pitit gason mwen. W'a sèvi avè l pou fè yon zidòl, yon estati fonn nan moul. Se poutèt sa m'ap renmèt ou lajan an ankò.
4Men, #Eza 46.6 pitit la renmèt lajan an bay manman li. Madanm lan pran desan pyès lajan an, li bay yon bòs fè yon zidòl anbwa epi li fonn lajan kouvri li nèt. Li mete li lakay Mika.
5Nonm #Jen 31.19; Jij 8.27; 18.14,17; 1 Sam 7.1; 1 Wa 13.33; Oze 3.4 Mika a te mete yon kote apa pou li menm l'al fè sèvis pou Senyè a. Li fè yon estati ansanm ak lòt ti zidòl wogatwa epi li chwazi yonn nan pitit gason li yo, li ba l pouvwa pou l sèvi l prèt. 6Nan #Det 12.8; Jij 18.1; 19.1; 21.25 tan sa a, pat gen wa nan peyi Izrayèl la. Chak moun t'ap fè sa yo pito.
7Te #Jij 19.1; Rit 1.1,2; 1 Sam 17.12; Mi 5.2; Mat 2.1,5,6 gen yon jenn gason ki te rete lavil Betleyèm nan peyi Jida. Se te yon moun nan fanmi Levi yo. 8Li kite lavil Betleyèm nan peyi Jida a, li pati, l'al chache yon lòt kote pou l fè ladesant. Antan l'ap vwayaje konsa, li rive lakay Mika, nan mòn peyi Efrayim yo. 9Mika mande l:
— Kote ou sòti?
Nèg la reponn:
— Mwen se moun fanmi Levi, m sòti lavil Betleyèm nan peyi Jida. M'ap chache yon lòt kote pou m fè ladesant.
10Mika #Jij 18.19 di l konsa:
— Vin rete lakay mwen non. W'a tou sèvi m konseye ak prèt. M'a ba ou dis pyès lò chak lanne, san konte rad ak manje.
11Moun Levi a te dakò pou l rete lakay Mika ki te sèvi avè l tankou pwòp pitit gason l. 12Mika #Jij 17.5; 18.30 menm bay moun Levi a pouvwa pou l sèvi l prèt. Se konsa, li rete nèt lakay Mika. 13Lè sa a, Mika di konsa:
— Kounyeya, mwen konnen Senyè a pral fè tout zafè m mache byen paske mwen gen yon moun Levi k'ap sèvi m prèt.
Chwazi Kounye ya:
Jij 17: HAT98
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.