Ezayi 49:13-16

Se pou syèl la kontan! Se pou tè a fè fèt! Se pou mòn yo rele tèlman yo kontan! Paske Senyè a pral bay pèp li a kouray, l'ap gen pitye pou pèp li a ki nan lapenn. Men, pèp lavil Jerizalèm lan t'ap di: — Senyè a lage nou. Mèt la bliye nou. Senyè a reponn: — Eske yon manman ka bliye pitit l'ap bay tete? Eske li ka pa sansib pou pitit ki soti nan zantray li? Menm si yon manman ta rive bliye pitit li, mwen menm, mwen p'ap janm bliye nou! Non nou tanpe nan plamen mwen. Nou pa janm soti nan lespri mwen.