Ezayi 33
33
Lapriyè pou mande Bondye delivrans
1Madichon pou lènmi nou yo! Y'ap devalize #Eza 21.2; Aba 2.8 nou, pèsonn pa devalize yo. Y'ap trayi nou, pèsonn pa trayi yo. Men tou, lè y'a fin devalize nou, moun va devalize yo tou! Lè y'a fin trayi nou, moun va trayi yo tou!
2Senyè, pitye pou nou! Se nan ou nou mete tout espwa nou! Pwoteje nou jou apre jou! Delivre nou lè nou anba tray! 3Lè w'ap goumen pou nou, tande lòt nasyon yo tande bri lagè a, yo kouri met deyò, yo gaye. 4Tankou krikèt nan jaden, nou kouri lage kò nou sou tou sa yo genyen, nou ranmase tout bagay pot ale.
5Ala #Sòm 97.9 pouvwa Senyè a genyen! Li donminen sou tout bagay! L'ap fè tout moun mache dwat nan lavil Jerizalèm. Pèsonn p'ap fè lenjistis sou mòn Siyon an. 6Li #Pwo 1.7; Eza 39.8 p'ap kite anyen rive pèp la ankò. Sa k'ap toujou sove yo, se va bon konprann ak konesans Bondye ap ba yo a. Pi gwo richès yo, se krentif y'a gen pou Senyè a.
7Vanyan #2 Wa 18.37 gason ap rele anmwe. Moun yo te voye pou siyen lapè yo ap kriye ak gwo lapenn nan kè yo. 8Nanpwen #Jij 5.6; 2 Wa 18.14-17 pèsonn sou granchemen yo. Moun pa vwayaje ankò. Lènmi yo pa respekte kontra yo te siyen an, yo pa kenbe dizon yo. Y'a manke tout moun dega. 9Peyi a nan lapenn, l'ap deperi. Nan peyi Liban, moun pa konn sa pou yo fè. Gwo rakbwa yo ap cheche. Bèl plenn peyi Sawon an tounen savann. Nan tout peyi Bazan ak peyi Kamèl, tout pyebwa ap pèdi fèy.
Avètisman Bondye pou lènmi l yo
10Senyè a #Sòm 12.5 pale ak lòt nasyon yo, li di yo:
— Kounyeya, m'ap leve kanpe, m'ap fè nou wè jan m gen pouvwa, jan m gen fòs kouray. 11N'ap fè yon bann lide nan tèt nou ki pa vo anyen. Se nou menm ankò k'ap touye tèt nou. 12M'ap boule nou tankou yo boule wòch pou fè lacho, tankou pikan chèch yo jete nan dife. 13Se pou tout moun, ni sa ki pre ni sa ki lwen, tande sa mwen te fè. Se pou tout moun konnen jan m gen pouvwa.
14Nan #Eza 66.15; Eb 12.29 lavil Siyon, moun k'ap fè sa ki mal yo pral gen kè sere. Moun ki refize fè sa Bondye mande a pral tranble. Y'ap di: Jijman Bondye se tankou yon gwo dife k'ap boule san rete. Kilès nan nou ki ka chape anba yon dife konsa? 15Moun #Sòm 24.4; 119.27 k'ap chape, se moun k'ap mache dwat yo, moun ki pa nan bay manti, moun ki pa sèvi ak pouvwa yo pou pwofite sou lòt moun, moun ki pa asepte lajan sou kote, moun ki pa dakò ak moun k'ap fè plan pou fè mechanste, moun ki pa mele ak moun k'ap fè sa ki mal. 16Se #Eza 30.23,25 moun konsa ki pral rive nan lavi. Tankou yon moun ki nan yon gwo fò byen wo, anyen p'ap rive l: l'ap toujou jwenn manje pou l manje ak dlo pou l bwè.
Bèl bagay k'ap tann pèp la
17Yon #Eza 6.5 jou, n'a wè yon wa k'ap gouvènen nan mitan yon bann bèl bagay, nan yon gwo gwo peyi. 18Lè #2 Wa 18.14 sa a, n'a chonje sa ki te konn fè nou pè a. Nan kè nou, n'a mande: Kote prepoze kontribisyon yo? Kote kontwòlè mache yo? Kote moun ki t'ap mache enspekte fò yo? 19Nou #Det 28.49,50; Eza 28.11; Jer 5.15 p'ap wè bann moun awogan sa yo ankò, bann moun ki sòti lòt peyi, ki pale lòt lang ou pa ka menm konprann, yon lang k'ap kòche zòrèy ou. 20Voye je ou gade lavil Siyon, kote nou fè gwo fèt nou yo! Gade lavil Jerizalèm! Yon bon kote pou moun rete san kè sote. L'ap tankou yon tant yo p'ap janm demonte, pikèt li yo p'ap janm rache, kòd li yo p'ap janm kase. 21Se #Sòm 46.4,5 la Senyè a pral fè nou wè pouvwa li. M'ap rete bò gwo larivyè a ak gwo kannal dlo yo, men okenn kannòt, okenn batiman lènmi p'ap ka pase ladan yo.
22Paske, #1 Sam 12.12; Zak 9.9; Jak 4.12 se Senyè a menm k'ap chèf nou,
se li menm k'ap gouvènen nou, se li ki wa nou,
se li k'ap delivre nou.
23Tout kòday batiman yo p'ap sèvi yo anyen.
Ma yo pèdi fòs, vwal yo pa ka louvri.
Y'ap piye tou sa lènmi yo te pote sou batiman yo.
Ata moun enfenm pral nan piyay la tou.
24Pèsonn #Eza 1.5,6; Jer 50.20 nan peyi a p'ap plenyen di li malad ankò.
Bondye pral padonnen peche tout moun ki rete lavil Jerizalèm.
Chwazi Kounye ya:
Ezayi 33: HAT98
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.