Jenèz 27:15-19

Apre sa, Rebeka pran rad Ezayi, premye pitit li a, pi bèl rad Ezayi te gen lakay la, li mete yo anwo Jakòb, dezyèm pitit li a. Avèk po ti kabrit yo, li kouvri bra ak kou Jakòb. Apre sa, li bay Jakòb manje a avèk pen li te fè. Jakòb al jwenn papa l, li di: — Papa. Izarak reponn li: — Men mwen, pitit mwen. Kilès nan nou ki la a? Jakòb reponn: — Se mwen menm Ezayi, premye gason ou lan. Mwen fè sa ou te di m fè a. Leve non, chita. Manje vyann mwen pote pou ou a. Apre sa, w'a ban mwen benediksyon.