Jenèz 10:8-12

Kouch te gen yon lòt pitit gason yo te rele: Nimwòd. Nimwòd sa a, se premye moun ki te gwo chèf sou latè. Se te yon gwo chasè devan Senyè a. Se poutèt sa yo di: Gwo chasè devan Bondye tankou Nimwòd. Nan peyi kote li t'ap gouvènen an te gen lavil sa yo: Babèl, Erèk, Akad, Kalne nan peyi Chinea. Apre sa, li kite peyi a, l'ale lavil Asou. Men lavil li bati yo: Niniv, Reobòt-Ir, Kalak. Lèfini, li bati lavil Rezèm ant Niniv ak Kalak. Kalak sa a te yon gwo lavil.