Ezekyèl 19
19
Ezekyèl ap plenn sò chèf peyi Izrayèl yo
1Bondye pale avè m, li di m #Eze 26.17; Am 5.1 konsa:
— Kounyeya, plenn sò chèf peyi Izrayèl yo.
2Men #Jen 49.9 sa ou pral di:
Apa yon manman lyon manman ou te ye!
Li kouche nan mitan lyon yo, l'ap okipe pitit li yo.
3Li #2 Wa 23.30,31 pran yonn nan pitit li yo, li fè l tounen yon jenn mal lyon.
Jenn lyon an aprann jan pou l kouri dèyè bèt pou l manje.
Li tanmen devore moun.
4Men, #2 Wa 23.34,36; Lam 4.20 lòt nasyon yo pran nouvèl la.
Yo pran l nan pèlen twou yo te pare pou li a.
Yo mete yon zanno fè nan nen l, yo trennen l ale nan peyi Lejip.
5Manman #2 Wa 23.34 lyon an tann, li tann jouk li pèdi espwa wè l ankò.
Li pran yon lòt nan pitit li yo,
li fè l tounen yon jenn mal lyon.
6Li t'ap pwonmennen nan mitan lòt lyon yo,
li tounen yon jenn mal lyon.
Li aprann jan pou l kouri dèyè bèt pou l manje.
Li tanmen devore moun.
7Li demoli fò yo. #19.7: Li demoli fò yo: Nou pa sèten se sa mo ebre yo vle di.
Li sakaje lavil yo.
Chak fwa li gwonde,
moun k'ap viv nan peyi a gen kè sote.
8Moun #2 Wa 24.1,2; Eze 12.13 lòt nasyon yo leve dèyè l.
Moun sòti toupatou nan pwovens bò kote l yo,
yo vin voye yon privye sou li.
Yo pran l nan pèlen twou yo te pare pou li a.
9Yo #2 Kwo 36.6 mete yon gwo bouk fè nan nen li. Yo fèmen li nan pak.
Yo mennen li bay wa Babilòn.
Yo mete sòlda veye li
pou moun pa janm tande vwa li ankò
nan mòn peyi Izrayèl yo.
10Manman #Sòm 80.9; Eze 15.6 ou te tankou yon pye rezen
plante bò kannal dlo.
Pye rezen an te chaje ak fèy, li t'ap donnen anpil
paske li te jwenn kont dlo li.
11Li pouse gwo branch.
Branch yo tounen baton kòmandman wa.
Pye rezen an grandi, li rive depase tèt tout lòt bwa yo.
Tout moun t'ap gade jan li te wo, jan li te gen anpil branch.
12Men, #Eze 17.10; Oze 13.15 yo move sou li, yo derasinen l, yo jete l atè.
Van lès koule tout donn li yo,
li kase tout gwo branch li yo.
Branch yo cheche, yo boule nan dife.
13Kounyeya, se #2 Wa 24.12-16; Oze 2.3 nan yon dezè li kanpe,
nan yon tè sèk san dlo.
14Dife pran nan pye rezen an.
Li boule ni branch li yo ni donn li yo.
Li pa gen gwo branch ankò
ki pou ta sèvi baton kòmandman pou wa.
Sa a se yon chante pou yo chante anpil fwa
pou plenn sò chèf peyi Izrayèl yo.
Chwazi Kounye ya:
Ezekyèl 19: HAT98
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.