Egzòd 34:33-35

Lè Moyiz fin pale ak yo, li kouvri figi l ak yon twal. Chak fwa Moyiz antre nan tant lan devan Senyè a pou pale avè l, li toujou wete twal la jouk li sòti deyò ankò. Lè l sòti, li rakonte pèp Izrayèl la tou sa Senyè a te ba li lòd di yo. Lè konsa, moun pèp Izrayèl yo gade, yo wè figi Moyiz te klere byen bèl. Apre sa, Moyiz remete twal la sou figi l ankò, pou jouk lè li antre ankò pou l pale ak Senyè a.