2 Kwonik 2
2
Salomon ap pare materyo Tanp lan
(1 Wa 5.1-18; 7.13-14)
1Wa Salomon te deside bati yon kay #1 Wa 5.5 kote pou yo fè sèvis pou Senyè a, ansanm ak yon palè pou l rete. 2Li #1 Wa 5.15,16 mete swasanndimil (70.000) moun ap travay pote materyo, katrevenmil (80.000) moun ap taye wòch nan mòn. Te gen twamilsisan (3.600) moun reskonsab kontwole travay la. 3Salomon #1 Wa 5.2-11 voye #1 Kwo 14.1 misyon bay Iram, wa lavil Tir. Li di l:
— Annou fè zafè yonn ak lòt tankou ou te fè avèk wa David, papa m, lè ou te vann li madriye sèd pou l te bati yon kay pou l rete. 4Mwen #Egz 30.7; Lev 24.5-8; Nonb 28.3-11; Det 16.16 pral bati yon tanp pou Senyè a, Bondye mwen an. Se pral yon kay n'ap mete apa pou li, kote n'a boule lansan pou li, kote n'a toujou mete devan l pen y'ap ofri l yo, kote chak maten chak aswè y'a ofri bèt pou yo boule nèt pou li lè jou repo yo, lè lalin nouvèl, ak lè lòt fèt nou fete pou Senyè a, Bondye nou an, jan li te bay pou yo toujou fè l nan peyi Izrayèl. 5Men, #Egz 15.11; 1 Kwo 16.25; Sòm 86.8; 135.5 se pou tanp mwen pral bati a gwo anpil, paske Bondye nou an gen plis pouvwa pase tout lòt bondye yo. 6Lèfini, #2 Kwo 6.18; Eza 66.1; Tra 7.49 ki moun ki ka rive bati yon kay vre pou Bondye, si syèl la, atout li gwo a, twò piti pou li? Mwen menm, kisa m ye pou m ta bati yon kay pou li? Se annik yon kote pou m boule lansan pou li m'ap fè. 7Se #1 Kwo 22.15 konsa, voye ban mwen yon bòs ki gen ladrès pou travay lò, ajan, kwiv, fè, yon bòs ki konn koupe twal ble, twal vyolèt ak twal wouj, bòs ki konn travay bwa ak wòch tou. L'a travay ansanm ak bòs atizan mwen gen avè m nan peyi Jida ak lavil Jerizalèm yo, moun David, papa m, te chwazi pou sa. 8W'a voye ban mwen madriye sèd, bwapen ak bwa koray ki sòti nan peyi Liban. Paske mwen konnen moun peyi ou yo konn pare bwa sa yo byen. M'a voye moun pa m ede pa ou yo 9pou yo ka pare yon bon kantite bwa, paske se pou tanp mwen fè lide bati a gwo anpil, se pou l yon bèl bagay. 10Men pwovizyon m'ap voye pou moun ou yo k'ap koupe pyebwa yo ak pou moun k'ap siye yo: sanmil (100.000) barik ble, sanmil (100.000) barik lòj, sandimil (110.000) galon diven ak sandimil (110.000) galon lwil oliv.
11Lè #2 Kwo 9.8 sa a, wa Iram ekri yon lèt voye reponn Salomon. Li di l nan lèt la:
— Se paske Senyè a renmen pèp Izrayèl la kifè li mete ou wa pou gouvènen yo. 12Lwanj #Sòm 121.2; Tra 4.24 pou Senyè a, Bondye pèp Izrayèl la, li menm ki fè syèl la ak latè a! Paske li bay wa David yon pitit gason ki gen anpil bon konprann, anpil lespri epi ki veye tou sa l'ap fè, yon pitit ki kounyeya fè lide bati yon tanp pou Senyè a ansanm ak yon palè pou tèt pa l. 13M'ap voye yon moun ki gen bon konesans ak ladrès ba ou. Se bòs Iram. 14Manman #1 Wa 7.14 li se moun branch fanmi Dann. Papa l se natif natal lavil Tir. Li konn jan pou travay lò, ajan, kwiv, fè, wòch, bwa. Li konn jan pou koupe tou twal fen wouj, ble ak vyolèt, ak twal lenn tou. Li konn grave tout kalite desen, li ka fè tout kalite travay ou mande l fè. L'a travay ansanm ak bòs pa ou yo, ak bòs wa David, papa ou, mèt mwen an, te genyen. 15Kounyeya, ou mèt voye ban nou ble, lòj, diven ak lwil oliv ou te di w'ap voye yo. 16Nou menm bò pa nou, nou pral koupe mezi bwa nan peyi Liban ou ka bezwen. N'a pote yo sou lanmè ba ou lavil Jope, n'a mare yo ansanm fè rado. Rive la, ou menm w'a fè pran yo pote moute lavil Jerizalèm.
Yo mete men nan kay Bondye a
(1 Wa 5.13-18)
17Lè #1 Kwo 22.2 sa a, Salomon fè konte mete sou lis tout moun lòt nasyon ki t'ap viv nan peyi Izrayèl la, menm jan David, papa l, te fè l la. Li jwenn sansenkanntwamil sisan (153.600) moun. 18Li #2 Kwo 2.2 pran swasanndimil (70.000) ladan yo pou pote materyo, katrevenmil (80.000) pou taye wòch nan mòn yo. Lèfini, li pran twamilsisan (3.600) ki rete yo, li mete yo fòmann reskonsab pou fè pèp la travay.
Chwazi Kounye ya:
2 Kwonik 2: HAT98
Pati Souliye
Pataje
Kopye
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fht.png&w=128&q=75)
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.