CHABANGCHAM 6
6
Chamaina gu Kasabo
1 #
Job 1.6; 2.1. Chamaina hainiu kadihpiri pabam hina lungpadjiu, npuimai nahdung kengjiu lungpad suboga, 2chara nahdung#6.2: chara nahdung: maksai tinggen mahiudung chiubo-e. siniu npuimai nahdung zuwatse ngaolujiu, paliu luni saisuijiu lusude. 3Siga Rapiu niu din-e, “Iniu chamaina haitu pijiu tingtheng lungkhai lakge, paliu hai shaisuibo pum-e. Tuhoi gasu paliutu pijiu tingkum kaikhat-je-makai riga lungkhai lakde.” 4#Par 13.33.Sibo tingga khatdi sibo saiga, kadihpiriga lungkamai thiujiu maipuidung nai chara nahdung maluang lungkhaibo nahdung kengjiu lungpadde. Paliu hai nda katan-kahumai khatdi pazan katadmai thiujiu lungkhai mibo-e.
5 #
Mt 24.37; Lk 17.26; 1 Pe 3.20. Kadihpiriga lungmai hina hai dejiukha salo khatdi paliu lungchun haidi pawan machang sajiu bambo hai Rapiu niu ngaoboga, 6paniu paliutu damkhai lujiu kadihpiriga pilung khaibo jengniu palungmak mide. Palung makju mibo jengniu, 7paniu din-e, “Iniu damkhai mibo chamaina khatdi chakhao thingna hinatu kam maha mine, palamra Iniu paliutu damkhaibo jengniu alung chariu mide.” 8Chiudi Rapiu niu Noah khuga palung kimbo bamme.
Noah
9-10 #
2 Pe 2.5. Haise Noah rachamme, panah khang sum bamme, paliu zanniu, Shem, Ham, khatdi Japheth ku-e. Noah khuimao wadi ha-e, khatdi paken-ga paronna kawibo mai thiubam niu-e. Paniu Tingwang tu akadjiu lungbam niu-e, 11chiudi mai hina Tingwang masuangga sakam bamniu-e, khatdi pabam hinaga kasabo siniu phuibam niu-e. 12Tingwang niu kadihpiri haitu phuikiuboga kasabo haitu ngaode, palamra chamaina hina kasabo lunlungga lungkam mide.
13Tingwang niu Noah khuga din-e, “Iniu chamaina haitu kam mahamira alung chap mide. Iniu paliu mathiutu kam mahakam mine, palamra paliugu n-gi-athaobo ngamkam siniu kadihpiri pakhiangna phuimide. 14Tasing kawibo gasu naleng malee khat ruisulo; sibo lungga pachen-chen kam khailo, sichiujiu palung lamdi, palen lamdi kaliangtamniu taimilo. 15Sise pathenniu gaphek 133, padetniu gaphek 22, khatdi pakodniu gaphek 13 kamlo. 16Malee lung gase paliap khat kamlujiu singgen#6.16: singgen; maksai kiranki chiubo-e. kak lengse tachao khat kamkhailo. Pasat sum kamkhailo, sichiujiu kalunglam kamun khat kam khailo. 17Iniu duidet langwangjiu kadihpiriga bambo hinatu kam maha mine. Kadihpiriga bambo hina shaikam mine, 18chiudi Iniu nakhuga ladriat thiukhai bine. Nanao, nanahmai khatdi paliu naodungtu puilujiu malee lung gase ngut milo. 19-20Sichiujiu malee lung gase thingna, chakhao hinagu papui, pareng khat khat jam khailulo. 21Naleng khatdi paliuleng katiu-kasak hina khailulo.” 22#Heb 11.7.Tingwang niu dinbo kumjiu Noah niu wahina kam khaide.
Chwazi Kounye ya:
CHABANGCHAM 6: LIANBSI
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.