لوکا 17
17
گناه و ایمان و پَرز
(مَتّا 18:6–7، 21–22؛ مَرکاس 9:42)
1ایسّایا گۆن وتی مُریدان گوَشت: ”گمراه کنۆکێن چیزّ مردمئے زندا الّما کاینت، بله بَژن و اَپسۆز په هماییا که دگران گمراهَ کنت. 2چه اے گوَنڈۆان یکّێا هم دێم په گناها برگئے بدلا شرتر همِش اِنت که گمراه کنۆکئے گُٹّا جنتری#17:2 جنتِر دو سِنگ اَنت که گۆن آیان دانَ درُشنت و آرتَ کننت. تاے ببندنت و دریایا چَگلی بدئینت. 3چه وتی کار و کِردان هُژّار بێت.
اگن تئیی برات گناهے کنت، آییا هکّل کن و اگن پشۆمان بوت، ببَکشی. 4تُرے رۆچے هپت رَندا گۆن تئو بدی بکنت و هپت رَندا تئیی گوَرا بیئیت و بگوَشیت که من پشۆمان آن، ببَکشی.“
5کاسِدان گۆن هُداوندا گوَشت: ”مئے ایمانا گێش کن.“ 6گوَشتی: ”اگن شمئے ایمان اَرزُنێئے کِساسا#17:6 اَسلیگێن یونانی نبشتانکَ گوَشیت: ”ٹێلکاهئے تُهمئے کِساسا“. ٹێلکاهئے تُهم سَکّ کَسان اِنت. هم ببیت، شما تودئے اے درچکا هُکم داتَ کنێت که وتا چه بُنا بگوَج و برئو زِرئے#17:6 زِر، بزان دریا. تها برُد و بسَبز. گڑا درچک شمئے هُکما مَنّیت.
7چه شما آ کَس کئے اِنت که آییئے هِزمتکار ڈگارا نَنگارَ کنت یا رمگا چارێنیت و کئیت و واجه آییا بگوَشیت: ’زوتّ بیا، بنند و ورگ بوَر‘؟ 8گۆن آییا الّما گوَشیت: ’پێسرا په من ورگ اَڈّ کن، تانکه من نئوارتگ، تئو منی هِزمتا بۆشت، وهدے من هلاس کرت گڑا تئو بوَر.‘ 9واجه وتی هِزمتکارئے شُگر و مِنّتا گیپت که تئو منی هُکم مَنّتگ؟ نه، هچبر. 10همے پئیما شما هم آ سجّهێن هُکمان که شمارا دئیگ بوتگ‌اَنت، سَرجم بکنێت و بگوَشێت که ما تئیی هِزمتکار بئیگئے لاهک هم نه‌اێن، تهنا وتی پَرز پوره کرتگ‌اَنت.“
ده نادْراهئے دْرهبکشی
11ایسّا دێم په اورشَلیما رئوگا اَت و چه سامِرَه و جَلیلئے سیمسرا گوَزگا اَت. 12وهدے مێتگێا آتک و رَسِت، ده مردم که آیان گَرّئے نادراهی اَت، گۆن آییا دُچار کپتنت. دور اۆشتاتنت و 13په بُرزتئواری گوَشتِش: ”او واجه ایسّا! مئے سرا رهم کن.“ 14ایسّایا که دیستنت، گوَشتی: ”برئوێت، وتا دینی پێشوایان پێش بدارێت.“ آ سر گپتنت و راها دْراه بوتنت.
15چه آیان یکّێا وهدے دیست که نون دْراه آن، په بُرزتئواری هُدایا سَتا کنانا پِر ترّت و آتک، 16ایسّائے پادان کپت و شُگری گپت. آ نادراه سامِریے#17:16 یَهودیان سامِری گُمراه زانتگ‌اَنت و گۆن آیان دئیگر و بدل و باندات نکرتگ. اَت. 17ایسّایا جُست کرت: ”زانا، هر دَهێن چه گَرّا دْراه نبوتنت؟ آ دگه نُهێن کجا اَنت؟ 18اے یکّێن درکئوما#17:18 ”درکئوم“ بزان آ که یَهودی نه‌اَنت. اَبێد، دگه کسّ په هُدائے سِپَت و سَنایا پِر نترّت؟“ 19گڑا ایسّایا گۆن آ مردا گوَشت: ”پاد آ، برئو که تئیی ایمانا ترا دْراه کرتگ.“
هُدائے بادشاهی
(مَتّا 24:37–40)
20یکّ رۆچے لهتێن پَریسیا چه ایسّایا جُست کرت: ”هُدائے بادشاهی کدێنَ کئیت؟“ ایسّایا گوَشت: ”هُدائے بادشاهی چَمزاهرا گِندگَ نبیت. 21کسّ گوَشتَ نکنت که هُدائے بادشاهی اِدا اِنت یا اۆدا. چێا که هُدائے بادشاهی شمئے دلا اِنت.“#17:21 یا: شمئے نیاما اِنت.
22پدا گۆن وتی مُریدان گوَشتی: ”یکّ وهدے کئیت که شما په انسانئے چُکّئے رۆچانی یکّ رۆچێئے گِندگا اَرمانَ کنێت، بله آ رۆچا نگندێت. 23مردم شمارا گوَشنت که ’اِدا اِنت‘ یا ’اۆدا اِنت،‘ بله شما مرئوێت و آیانی رندا مکپێت. 24اَنچۆ که گِرۆکَ جنت و آسمانئے اے سر تان آ سرا رُژنا کنت، انسانئے چُکّ هم وتی آیگئے رۆچا اَنچُش زاهرَ بیت. 25بله ائولا باید اِنت بازێن سکّی و سۆریے بسگّیت و اے زمانگئے مردم آییا ممَنّنت.
26هما ڈئولا که نوهئے زمانگا بوتگ، انسانئے چُکّئے زمانگا هم اَنچُشَ بیت. 27آ رۆچان مردم وَرد و نۆشا اَتنت، سانگ و سورا اَتنت و اے کاران تان هما رۆچا دزگٹّ اَتنت که نوه بۆجیگا سوار بوت. پدا توپّان آتک و سجّهێن مردمی گار و بێگواه کرتنت.
28لوتئے زمانگا هم اَنچۆ بوت، مردم ورگ و چرگ و بدل و باندات و کِشت و کِشار و لۆگ و جاگهئے بندگا گُلاێش اَتنت، 29بله هما رۆچا که لوت چه سُدومئے شهرا در آتک، هُدایا چه آسمانا آس و رۆکێن گۆکُرت گوارێنت و سُدومئے سجّهێن مردم گار و بێگواه کرتنت.
30انسانئے چُکّئے آیگ و زاهر بئیگئے رۆچا هم اَنچُشَ بیت. 31آ رۆچا، اگن کَسے وتی لۆگئے سرا ببیت و آییئے اُرد و پُتێنک لۆگا اێر ببنت، په آیانی زورگا جَهلا اێر مکپیت. همے ڈئولا، اگن کَسے وتی ڈگاران کارا ببیت، آ هم پدا لۆگا پِر مترّیت. 32لوتئے جنئے کسّها مشمۆشێت.#17:32 لوتئے جَنا وتی مال و منال دۆست اَت، هُدائے هبری نزُرت و پمێشکا مُرت. 33هرکَس که وتی ساهئے رَکّێنگئے رندا بیت، گاریَ دنت، و هرکَس که وتی ساها نَدرَ کنت، رَکّێنیتی. 34شمارا گوَشان که آ وهدا دو مردم یکّێن تَهت و نِپادئے سرا وپتگ، یکّے برگَ بیت و دومی پَشت گێجگَ بیت.#17:34 پَشت گێجگ، بزان نزورگ، یله دئیگ، گچێن نکنگ. 35دو جنێن جِنترئے سرا هۆریگا دانئے درُشگا بیت، یکّے برگَ بیت و دومی پَشت گێجگَ بیت. 36دو مردێن ڈگارانی سرا بیت، یکّے برگَ بیت و دومی پَشت گێجگَ بیت.“#17:36 لهتێن دَزنبشتا، بَند 36 نێست. 37جُستِش کرت: ”او هُداوند! کجا چُشَ بیت؟“ پَسّئوی دات: ”هر جاه که جۆنے بیت، اۆدا ڈونڈوارێن مُرگ مُچَّ بنت.“
Chwazi Kounye ya:
لوکا 17: HPKB
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2016-22 Wycliffe Bible Translators, Inc.