Genesis 10
10
Siraw Kapotōtan Dan Anakaw Ni Noyi
(1 Kron. 1:5-23)
1Siraw anakaw a mahahakay ni Noyi a sa Sem, Ham, kan Japet, ki myan pōtot da a nayanak do nakatayokaw no layos.
2Siraw kapotōtan ni Japet, ki siraw tawotawo a Gomer, Magog, Maday, Jaban, Tobal, Mesek, kan Tiras. 3Siraw kapotōtan ni Gomer, ki siraw tawotawowaw no Askenas, Ripat, kan Togarma. 4Siraw kapotōtan ni Jaban, ki siraw tawotawowaw no Elisa, Tarsis, Sipros, kan Rodes. 5Siraw nya tabo a kapotōtan ni Japet, ki kapoonan dan omyanaw do payis no kanayan kan siraw porporwaw. Minyan sa do bokod da saw a gropo do matatarek a tana, as kan myan bokod da a kapaychirin.
6Siraw kapotōtan ni Ham, ki siraw tawotawo no Kos, Egipto, Pot, kan Kanaan. 7Siraw kapotōtan ni Kos, ki siraw tawotawo no Seba, Habila, Sabta, Raama, kan Sabteka. Siraw kapotōtan a mahahakay ni Raama, ki siraw tawotawowaw no Sheba#10:7 Do chirin Hebreo, maytarek “Seba” a siraw kapotōtan ni Kos kan “Sheba” a siraw kapotōtan ni Raama. kan Dedan. 8Si Nimrod, ki asa kapotōtan ni Kos. Iyaw nanoma a nagdinamag a mabīleg a machigobat do tanaya. 9Maynamot do sidong ni Āpo, nayparin a maganay a manganop. Dawa, nyaw nakayapwan panyinyirinaya a, “Payparinen pakono ni Āpo a maganay a manganop a akmas Nimrod.” 10Do dāmo, no pagāryan ni Nimrod, ki nairaman Babel, Erek, kan Akkad. Tabo nya, ki myan do tana no Babilonya. 11Yapo do dawri a tana, nangay si Nimrod do Asirya, kan iyaw napatnek siras syodadaw a Ninebe, Rehobot-ir, kan Kala. 12Pinatnek na paw Resen do payawan no Ninebe kan Kala, iyaw rakohaw a syodad.#10:12 Masigorādo aba an iyaw syodad no Kala mana Resen mana Ninebe iyaw kararakohan kan kasisitaan. Ki siraw naibaheyaya a apat a syodad, ki nayparin a asa rakoh a syodad. Jon. 3:3
13Siraw kapotōtan ni Egipto, ki siraw tawotawo no Lydia, Anam, Lehab, Napto, kan 14siraw tawotawo no Patros, Kaptor, kan Kaslo a nakayapwan dan Pilisteo.
15Siraw kapotōtan saw ni Kanaan, ki sa Sidon,#10:15 “Sidon” mana “siraw Sidoneo a tawotawo.” iyaw katotonngan, kan Het a ādi na, 16kan siraw tawotawo saw a Jeboseo, siraw Amorreo, siraw Gergeseo, 17kan siraw Hebeo, siraw Arkeo, siraw Sineo, 18siraw Arbadeo, siraw Semareo, kan siraw Hamateo. Naychawpit saw nyaya do bokod da a gropo a yapod kapotōtan ni Kanaan. 19As no tana dan kapotōtan ni Kanaan, ki yapod Sidon a nandad Gerar do abagātan a masngen do Gasa, as kan nandad Sodoma, Gomorra, Adma, kan Seboyim do dāya a masngen do Lasa. 20Siraw nya kapotōtan Ham, ki minyan sa do bokod da saw a gropo do matatarek a tana, as kan myan bokod da a kapaychirin.
21Si Sem, ki iyaw ākang ni Japet,#10:21 Mana “Si Sem a iyaw ākang na, ki si Japet.” as kan iya paw kapoonan dan tabo Eber mana Hebreo saw a tawotawo. 22Siraw pōtot ni Sem a mahahakay, ki sa Elam, Assor, Arpaksad, Lod, kan Aram. 23Siraw pōtot a mahahakay ni Aram, ki sa Os, Hol, Gitir, kan si Mesek. 24Si Arpaksad, ki āmang ni Sela a āmang ni Eber. 25Siraw pōtot a mahahakay ni Eber, ki dadwa sa. Iyaw asa, ki mayngaran so Peleg,#10:25 Iyaw oni no Peleg do chirin Hebreo, ki nagistayan parihas kan “maycharwa” mana “maysyay.” ta do dawri a chimpo, naycharwaw tawotawo do tanaya.#10:25 Mana “naysisyay tanatana do tanaya.” As no kakteh na, ki mayngaran so Joktan. 26Siraw kapotōtan ni Joktan, ki siraw tawotawo no Almodad, Selep, Hasarmabet, Jera, 27Hadoram, Osal, Dikla, 28Obal, Abimael, Sheba, 29Opir, Habila, kan Jobab. Sira tabo, ki kapotōtan ni Joktan. 30Iyaw yanan da, ki yapod Mesa a mandad Separ do dāya, kan paytokotokonan nawri a tana. 31Siraw nyaw kapotōtan ni Sem, ki minyan sa do bokod da saw a gropo do matatarek a tana, as kan myan bokod da a kapaychirin.
32Siraw nya a naibahey, ki tabo sa, ki kapotōtan sa ni Noyi do bokod da a gropo kan tana. Katayokan layosaw, tabo saw gropo do tanaya, ki nakayapo sad anak saw a mahahaky ni Noyi.
Chwazi Kounye ya:
Genesis 10: ivb
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 1996, Wycliffe Bible Translators, Inc. All rights reserved.