SIEMCHILBU 1
1
Sil siem thu
1Achiil in Pasian in Lei leh Van asiem.#Tam silsiem thu khu science toh kihilna dinga siem ahi sih a, Pasian thu toh kihilna dinga kigiel ahi zaw hi 2Lei khu lim leh guong neilou ana hia; tualeh tuipi thuhtah tung khu mielin akhu khum hi. Pasian Hagau in tuipi tungte a awpkhum zing hi.#1:1 Leh Bung 2 kikal ah kum bangza kie ahiei chi koiman atheizou sih hi. 3#2 Kor. 4.6Tuachiân Pasian in âVah hing um hehâ achia, tuachiin âvahâ ahing umta hi. 4Tualeh Pasian in vah a en a, hoi asa mama hi; tuachiân Pasian in vah leh miel akhenta hi. 5Pasian in vah khu sun achia, miel khu zan achita hi. Tuachiân nitah leh zingmawng ahing umta a, ani khat ni ahi.
6 #
2 Pet. 3.5
Tualeh, Pasian in âTui leh tuiâ kikal ah vanthamjawl um henlen, tuachiin tui leh tuite khen heh, achi hi. 7Tuachiân Pasian in vanthamjawl abawl a, tualeh vanthamjawl nuoia tuite leh vanthamjawl tunga tui umte a khenta a; tuabang ahing hita hi. 8Tualeh Pasian in âVanthamjawl khu Vanâ achi hi. Tuachiân nitahlam leh zingmawnglam ahing umta hi, ani ni na ahi.
9Tualeh Pasian in âVannuoi a tuite munkhat ah umkhawm henlen gamgaw hing kilang henâ achia, tuabang ahing hita hi. 10Pasian in gamgaw khu Leitung achia, tualeh tui umkhawmte khu tuipite achita hi. Pasian in tuate a en a hoi asa mama hi. 11Tuachiân Pasian in âLei tung in annte louhing chi neite, theikung, leitunga amauh chi umdan bang chiet a hing ga, aga sunga achi umte hing poudoh sah tahenâ achia, tuabang ahing hita hi. 12Tualeh Lei tung in loupate, annte louhing amauh chi umdan ding banga chi neite, singkung amauh um ding dan bang chiet a ga, aga sunga achi umte apoudoh sahta a, tualeh Pasian in a en a, hoi asa hi. 13Tuachiân nitahlam aum a, zingmawnglam zong aum a, ani thum ni ahi.
14Tuachiân Pasian in âSun leh zan khenna dingin vanthamjawl ah tanvah ding um henlen tuate khu chiemtenate, hunbite, nite kumte theina ding hi uhen, 15Tualeh leitung tanvah dingin vanthamjawl ah um uhenâ achia, tuabang ahing hita hi. 16Tuachiân Pasian in vah thupi ni abawl a, avah thupi zawpen khu sun a vaihawm dingin tualeh avah neu zawpen khu zan a vaihawm dingin abawl a; aasite zong abawl hi. 17Tualeh Pasian in tuate khu leitung tanvah dingin vanthamzawl ah akoi a, 18Tualeh sunlai tung leh zan tunga vaihawm ding leh vah leh miel khen dingin akoi a, tualeh Pasian in tuate a en a hoi asa hi. 19Tuachiân nitah leh zingmawng ahing um a, ani li ni ahi.
20Tuachiân Pasian in âTuiteân silsiem kipiathei hinna neite tampi hing pawtkhesah uhenlen vate zong tunglam vanthamjawl ah leeng uhenâ achi hi. 21Tuachiân Pasian in Tuipi a silsiem hinna nei lienpipite asiem a, ganhing kipiathei chinteng tui in ahing pawtsah zousie ama uh chi umdan ding bang chietin asiem a, tualeh va hanei chinteng zong amauh chi umdan ding bang chietin asiem a, tualeh Pasian in tuate a en a, hoi asa hi. 22Tualeh Pasian in âAma uâkhu chi tampi suongin hing pung unlen, tuipite tui in dimsah unlen, vate zong leitung ah pung uhenâ chiân aguolzawl hi. 23Tuachiân nitahlam aum a, zingmawnglam zong aum a, tuakhu ani nga ni ahi.
24Tuachiân Pasian in âLeitung in silhing amauh chi umdan ding bang chietin; gantate, ganhing bohvate, gamsate amauh chi umdan ding bang chietin umsah uhenâ achia; tuachi ahing hita uhi. 25Tualeh Pasian in leitung a gamsate amauh chi umdan bang chietin, gantate amauh chi umdan bang chietin, tualeh leitunga ganhing bohvahte zousie amauh chi umdan bang chietin abawl a; tuachiin Pasian in a en a, hoi asa hi.
26 #
1 Kor. 11.7
Tuachiân Pasian in, âI kibahpi eima meel bangbang in mihing siemvai in#I kibahpi eima bangbang: chipen Pasian toh kibang china ahi sih a pilna leh zalenna lungsim inei zieh ua kisun akihi giap hi. Tamsung a Eima chipen Pasian khat a Pa leh tapa leh Hagausiengthou (Trinity) etsahna hiva chiin Hattuom paten (Church fathers) ana ngaisun uhi. amauh khu tui a ngate, tungleeng vate, gantate, leitung pumpi a ganhing, leitung a bohvah zousie tungah thu nei sah vaiâ achi hi. 27#Siem. 5.1,2#Mat. 19.4; Mak. 10.6Tuachiân Pasian in ama kibahpi in mihing asiem a, tualeh ama limlemel puo in pasal leh numei asiem hi. 28Tuachiân pasien in amauh guol azawl a, Pasian ma in akung uah, âChi tamtah suongin hing pung unlen, leitung luodim unlen, na thu thu un umsah un; tuipi a ngate tungah, tunga leeng vate tungah leh leitunga vah ganhing chinteng tungah thu nei unâ achi hi. 29Tualeh Pasian in âNgaivawi, leitunga um annte louhing chi nei zousie leh sing chi nei ga umna sing chinteng na kung uah kahing peta hi, tuate khu nou a dingin na ann ding uh ahi. 30Tualeh leitung a gamsa zousie, tung a leeng va zousie leh leitung a bohvah hinna nei zousie kung ah a hinna ding un annte-louhing ka pie hiâ achia; tuachiin tuabang ahing hi ta hi. 31Tuachiân Pasian in a silsiem zousie a en a, Ngaivawi hoi asa mama hi. Tuachiân nitahlam leh zingmawnglam aum a, ani guh ni ahi.
Chwazi Kounye ya:
SIEMCHILBU 1: ZOUBSI
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Zou CL Bible - LAISIENGTHOU
Copyright Š 1992 by The Bible Society of India
Used by permission. All rights reserved worldwide.