MATHIU 1
1
Jisu Krista Te Awa heh
(Luk 3.23-38)
1Arepa Abraham Chha, ngale Devit Chha, Jisu Krista te awa heh nginkong.
2-6aAbraham tôpumma Devit Lowang tôko, te awa heh areheh dângwah: Abraham, Isak, Jakob, Juda ngale ate pho anaa heh; erediko paraz ngale Zera (thin nyongpa Tama dângwah), Haran, Ram, Aminadab, Nason, Salmon, Boz (ate nyong pa Rahab dângwah), Obad (ate nyong pa Rut dângwah), Jisi, ngale Devit Lowang.
6b-11Devit Lowang tôpumma chenthu Isrial mihnyan heh Babilon nâng chêmsiet rãng sietkattah tôko te awa heh areheh dângwah: Devit, Solomon (ate nyong pa Uria tangnyu dangtah dihiaknyu pa dângwah), Rihobom, Abija, Asa, Jihosapat, Jihoram, Uzia, Jotham, Ahas, Hizikia, Manisa, Amon, Josia ngale Jihochin ngale ate pho anaa heh.
12-16Babilon nâng chêmsiet rãng sietkattah tôpumma Jisu Chhat sanpoat tôko te awa heh areheh dangwah: Jihochin, Saltial, Zirubabal, Abuid, Iliakim, Ajor, Jadok, Achim, Iluid, Iliajar, Mathan, Jakob, ngale Josep, Josep pa Misaia ngama rooeka Jisu nyong Mariam keptepa.
17Abraham tôpumma Devit tôko echhi roanbelii, Devit tôpumma Babilon nâng chêmsiet rãng sietkattah tôko echhi roanbelii, Babilon nâng chêmsiet rãng sietkattah tôpumma Krista tôko echhi roanbelii dângwah.
Jisu Krista Chhat
(Luk 2.1-7)
18Jisu Krista chhat pa aroh dângwah. Ate nyong Mariam pa Josep demnâng kepmĂŽnrâng ngama kahkhetmĂŽn wah, rohkomin atenii roamsĂ´ng mako Mariam ma AsâthĂ´anju wah naawun lahma dângwah. 19Mariam tangwa Josep pa toangtang mihnyan dâng phumma, Mariam nok atang mako rĂŞsĂŞ chohthuk lehunma; atema ahuh chhama chiakpherĂŁng themawa wah. 20Josep ma aroh themawa poatko, Teso ngintatte kalahma Josep nâng metmĂŁngnâng ngatkatwah, âJosep Devit chha, Mariam pa nang tangnyurĂŁng keprĂŁng nekchei. ChenrĂŁngma ngako atema wun eka naapa AsâthĂ´anju chaanma wun eka. 21Atema delachha echha a, ngale nangma ate mĂŽnpa Jisu ngama mĂŽnmin - ChenrĂŁngma ngako atema ate mihnyan heh papwah pepângmin.â
22Joban ma MĂľng hehnâng jabthuktah nginpa toangtang dângkatrĂŁng arepa dangeka, 23âJanchhĂ´sâ ma naawun lahma delachha ehongchha a, ate mĂŽnpa Imanual ngama mĂŽnminâ (Are ngaeka pa, âJoban pa nĂŁngdemnâng ngaekaâ).
24Josep jupwah satlahma, Teso ngintatte ma chenroh chientah a ererãngrãng, atema Mariam ate tangnyu rãng kepwah. 25Rohkomin Mariam ma atechaa delachha pa chhatmako Josep ma Mariam nâng ate tangnyu rãngrãng keplahma roamjup ho. Ngale Josep ma Jisu ngama mÎnwah.
Chwazi Kounye ya:
MATHIU 1: NOKTBSI
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Nokte Naga NT - NIEMNYAN
Š The Bible Society of India, 2014.
Used by permission. All rights reserved worldwide.