Vèsè popilè nan Bib la ki soti nan Jon 3

Pataje

Kayak Nug wanppan danab ah dilagnu oo huana mauhom amunu, Nug Bekka laippunab me uɗiom. Nug me uɗiom amunu, aun nug nuhignu ooppa genab dootte ele, nug padal ii mema. Iitta! Nug bauklel hanhannu aokku.

Kayak Nug, Nug Bekka wan imuppa me uɗiom, amge Nug wanppan danab ah epeɗiadkkunu me ii uɗiom. Iitta. Kayak Nug nuhigppa wanppan danab ah eɗua diiadkkunu me uɗiom.

A amu Jesus oɗeppa awa aum. “Da genabnab genab na amenppa attem. Danab nug bau menuak ii aokku amu, nug Kayaknu ɗo maɗoɗ ii anidma,” awa aum.

Am aun nug nuhignu ooppa genab dootte amu, nug nob nau awaknu hettoɗiakppa ii daatte, amge aun nug nuhignu ooppa genab ii dootte amu, nug aakku nob nau awaknu hettoɗiakppa teum daatte. Aɗinu? Nug Kayak Bekka laippunab, nug nuhignu ooppa genab ii doyom.

Nob nau awaknu hettoɗiak diig am iikku. Amahlak wanppa uɗiom, amge danab ag wanppanu gatatu, ag amunu oolag mauhom; ag amahlaknu oolag ii mauhom. Aɗinu? Ahilag kobol am nau.

Nug onig am okkainab daakku, da am nug waappaib daakkul.

Anam amu, danab oh ag hak nauppa daatteb amu, ag amahlaknu nau ninig ele dootteb. Ahilag hak nau miag atimanu amu, ag amahlakppa daaglagnu oolag ii daatte.

Am laa nug Kayak Bekkanu ooppa genab dootte ele amu, nug bauklel hanhannu awom daatte. Laa nug Bekka geɗitte amu, nug bauklel hanhannu ii awom. Iitta. Kayaknu oppoɗi bak nuhigppa daatte,” awa aum.

Anukka atu taɗakppa mat nau ag Israel oolagppa bena, danab ah emalatteg mauheg, ⌊Kayak Nug Moses amegppa a,⌋ nug mat dottog laa brasppa ha qappe, danab ag amu neegna anidna, ag ii mauhppig, amubia danab aun aɗi ag dahilnu oolagppa genab doon, ag bauklel hanhannu aon daaglagnu, ag Danab Bekkalag da, ad emaitakppa aihiɗkkulagoitte.

Mame Kayak Nug Bekkanu oo mauhtte amunu, keeke oh Nug eppegppa meum.