Vèsè popilè nan Bib la ki soti nan San Juan 2

Pataje

Aꞌan aꞌin li xbe̱n milagro li quixba̱nu li Jesús nak quixsukꞌisi li haꞌ chokꞌ vino aran Caná re Galilea. Riqꞌuin li milagro aꞌin quixcꞌutbesi nak cuan xcuanquil ut eb lix tzolom queꞌxpa̱b nak li Jesús aꞌan li Ralal li Dios.

Ut li Jesús quixye re: —¿Cꞌaꞌut nak nacatchal xyebal cue aꞌan? Toj ma̱jiꞌ xkꞌehil nak tincꞌutbesi lin cuanquil, chan re lix naꞌ.

Li Jesús quixye reheb li yo̱queb chi cꞌanjelac aran nak teꞌxnujtesi li ni̱nki cuc riqꞌuin haꞌ. Ut eb aꞌan queꞌxqꞌue li haꞌ saꞌ li cuc toj retal queꞌnujac. Quixye cuiꞌchic li Jesús reheb: —Lecomak caꞌchꞌinak ut te̱cꞌam riqꞌuin li najolomin re li ninkꞌe, chan. Ut eb aꞌan queꞌxba̱nu joꞌ quiyeheꞌ reheb xban li Jesús.

Quichakꞌoc li Jesús ut quixye reheb: —Jucꞌumak li templo aꞌin ut chiru oxib cutan tincuaclesi cuiꞌchic chi acꞌ, chan reheb.

Li Jesús quixyi̱b jun lix tzꞌu̱m riqꞌuin cꞌa̱m ut quixyolesiheb. Quirisiheb chixjunileb chirix cab rochbeneb lix xul. Quixpaji lix tumin eb laj jalol ru tumin ut quixbalkꞌusi lix me̱xeb. Quixye reheb li yo̱queb chi cꞌayi̱nc paloma: —Isihomak chixjunil aꞌin saꞌ li templo. Me̱sukꞌisi chokꞌ cꞌayil li rochoch lin Yucuaꞌ, chan li Jesús reheb.