Vèsè popilè nan Bib la ki soti nan San Juan 1

Pataje

Abanan chixjunileb li queꞌcꞌuluc re ut queꞌpa̱ban re nak aꞌan taklanbil chak xban li Dios, aꞌaneb li quixcꞌuleb chokꞌ ralal xcꞌajol li Dios.

Chalen chak saꞌ xticlajic li ruchichꞌochꞌ ac cuan chak li A̱tin. Li A̱tin cuan chak riqꞌuin li Dios ut aꞌan tzꞌakal Dios. Li A̱tin, aꞌan li Cristo.

Li Cristo naxcutanobresi lix cꞌaꞌuxeb li toj cuanqueb saꞌ xkꞌojyi̱nal ru li ma̱c. Li ma̱c incꞌaꞌ quinumta saꞌ xbe̱n li Cristo.

Li Jesucristo quitzꞌejcualoꞌ ut tzꞌakal cui̱nk nak quicuan arin saꞌ kaya̱nk. Cꞌajoꞌ li rusilal ut aꞌan naxcꞌut lix ya̱lal. Aꞌan li Ralal li Dios li junaj chi ribil ut la̱o xkil lix lokꞌal.

Chixjunil li cꞌaꞌru cuan, li Dios quixyi̱b saꞌ xcꞌabaꞌ li Cristo. Ut ma̱cꞌaꞌ cꞌaꞌak re ru cuan chi ma̱cuaꞌ aꞌan ta li quiyi̱ban re. Li Cristo, aꞌan li naqꞌuehoc junelic yuꞌam. Ut li yuꞌam li naxqꞌue naxcutanobresi lix cꞌaꞌuxeb li cristian.

Joꞌ cuulajak chic laj Juan quiril li Jesús yo̱ chak chi cha̱lc riqꞌuin ut quixye: —Ilomak. Cueꞌ chak li Cristo, li taklanbil chak xban li Dios. Chanchan jun li carner. Ta̱camsi̱k re xtojbal rix lix ma̱queb li cuanqueb saꞌ ruchichꞌochꞌ.

Li Cristo quicuan saꞌ ruchichꞌochꞌ. Abanan li cuanqueb saꞌ ruchichꞌochꞌ incꞌaꞌ queꞌxqꞌue retal chi tzꞌakal nak aꞌan li Cristo usta saꞌ xcꞌabaꞌ aꞌan quiyi̱ba̱c li ruchichꞌochꞌ. Quicꞌulun saꞌ lix tenamit. Abanan incꞌaꞌ quicꞌuleꞌ saꞌ xya̱lal xbaneb.

Aꞌan li tzꞌakal cutan saken li quicꞌulun saꞌ ruchichꞌochꞌ chixcutanobresinquil xcꞌaꞌuxeb chixjunileb li cristian.

Li Dios quixqꞌue li chakꞌrab re laj Moisés re nak tixcꞌut chiku. Aban lix ya̱lal chirix li Dios ut li rusilal quixcꞌutbesi chiku li Jesucristo.