Vèsè popilè nan Bib la ki soti nan Matalikilo 17

Pataje

Abulamu ndyaakaba amyaaka ili 99, Mwaami Lesa wakaboneka kuli nguwe akwaamba ayi, “Ndime Lesa Shinkusu shoonse. Nyumfwile alimwi kocita shiluleme lyoonse.

Liina lyako teshi linoocili ayi Abulamu sombi ayi Abulaamu. Ceebo ntookulengesha ayi ube mushali mukulukulu wa mishobo iinji.

“Ndaakucita mbondashomesha kuli ndiwe akubamulunyungu lwako mumyaaka iinji itoosa kweelana ambocili ncipangano camuyayaya. Ndaakuba Lesa wako awa bamulunyungu lwako.

“Cipangano cangu nceeci. Ndashomesha kwaamba ayi ulaakuba mushali mukulukulu wa mishobo iinji.

Sombi Lesa wakaamba ayi, “Sobwe taakoonshi. Saala mukaako ulaakukushalila mwaana musankwa alimwi ulaakumutumba ayi Isaki. Ndaakulama cipangano cangu anguwe pantu pomwi abamulunyungu lwakwe lyoonse alyoonse. Cipangano ici ncamuyayaya.

Ndaakukupa cishi ici umo bulya mooli mweensu. Cishi ici ca Kenani coonse cilaakuba ca bamulunyungu lwako kwamuyayaya alimwi ndaakuba Lesa wabo.”

Abulaamu wakafukama akushisha ciwa panshi, sombi wakatalika kuseka ndyaakayeeya ayi, “Sa musankwa ulakonsha kuba amwaana na waba amyaaka ili 100? Sa Saala inga washala mwaana bulya mbwaashisha myaaka ili 90?”

Lesa wakaambila Abulaamu ayi, “Ucileeke ono kwiita mukaako ayi Salai, kuswa sunu liina lyakwe nguSaala.

Kuswa sunu mulyeelete kupalulwa kwaamba ayi cibe citondesho ca cipangano pakati kanu anebo.

Sombi cipangano cangu ndaakucilama amwanaako musankwa Isaki, uyo Saala ngweshi akashale paciindi ceenka cino mwakali.”

Kulilabo mwaana musankwa na wakwanisha nshiku shosanwe ashotatwe kubikaako abasha bashalilwa mumaanda anu alimwi abaabo boolwa kubaswamashi balyeelete kupalulwa mbomunya ubo. Womwi awomwi ulyeelete kupalulwa, alimwi ici cilaakuba citondesho ciboneka pamibili yanu kwaamba ayi cipangano cangu ncamuyayaya.