Vèsè popilè nan Bib la ki soti nan San Juan 14

Pataje

’Chi yayaꞌn, yabecdxen luxdoodi, gunen guialnazaꞌc lojdi, ad ziꞌc runeet ree bénguidxliujn, ad bal ru nayadi ad rdxeb tëëdi.

Badxiꞌman laan rëbaman: ―Naj na̱j nejz, najn diidxli, naj tëën guialnaban. Tijbzi naj zajc chinëꞌ bejn ree loj da Dadan.

Rëb tëë Jesús: ―Ad rudi xgab. Gol bililadx Dios, gol bililadx tëë naj.

Per xSprijt Dios, bén sunë lëjt zianczi, bén guixhiaal da Dadan por naj, graczi gulüüman lëjt din gusaaladxidi ni canin.

Bén rucaagdiajg ni rniabeen rüjn tëëman laan, walicaman rënman naj. Guiën da Dadan bén rën naj, në naj guiën laaman din güünbeeman naj.

Din guië loj da Dadan guixhiaalaman Sprijt sunë lëjt, Sprijt gulüü diidxli, din zianczi sunëman lëjt. Bén ad rliladxt ree Dios ad zajct tiaꞌ reeman Sprijt guin, din ad ruguiaat reeman ad nünbee tëët reeman laaman. Per lëjt nünbee laaman, din sunëman lëjt yayaꞌn tëëman luxdoodi tiblayaa.

Graczi ni guiniabidi lojman por naj, günanan din gulün xguialrniabeeman. Günan xhietëëz ni guiniabidi.

’Bal rëndi naj, gucaagdiajguidi ni balün.

Lidx da Dadan dád zien luar lod guiban bejn yuꞌ. Bal iche yuꞌ, ad ziant ganin lojdi, chiguienchaawan xluaridi.

Chi ma benchaawan luar guin, dxel yaguialan guidgaxin lëjt din sudi lod gazun.

Zeel rëb Tumajs lojman: ―Dad, ad rayagbeetan ban chel, ¿xhienaag yaguieenbeen nejz guin?