Vèsè popilè nan Bib la ki soti nan Yɔanɨ 6

Pataje

Yeso ɔ꞉ɓutosio ɓɔ: «Ɨmɨ, akɛ na mʉkatɨ ngʉwa wenjo uɓei. Mombi ngɨa ɛka andamɨ angɔkwamʉ sina ɓata taa pɔ bele, nɔ mombi muɓomu ngɨa anabaya ɨmɨ, angɔkwamʉ sina ɓata mʉsasa wɔ mipo pɔ bele.

Mʉtɨma wɔta Tu awɛ, wɛnjo uɓei. Ndʉtʉ ya ɨyɔ ta ɨkyɛmʉ yɛta ɓʉtʉʉ. Yaka ngɨyɛ nɔnɨngakɨɔ aka, ɨyɔ ingainga ayɛ, ya Mʉtɨma nɔ uɓei.

Nátɨwomʉ akɨa tɛa akɔ idyo ngɨyɛ yakagba kagbanɨ. Yakamɛngana, kɨeni tɛa akɔ idyo ngɨyɛ yagbalɨa amati uɓei, mago nɔ mago, ɨyɛ Mwana ngɨyɔ Mombi a꞊ninjo ɨyɔ, dɔ, Asɔɓɨɨ Aba akɛ, a꞊mʉpananiso ɓɔ ɔmʉbayɔ bayanɨ.»

Ya ɓanɨ, ɓʉkʉnda ngʉɓa Aba ngɨasɛmɨ ɓa ɓɔ, mombi muɓomu ngɨa ɛna Mwana, nɔ ɔmʉbáya, ɨnɨanɨa nɔ uɓei ngʉwɔ mago nɔ mago. Nɔ ɨmɨ, na꞊ɓʉjʉkaniso sina akɔ ingwo akɔ ɓisi ɓɔ mupipio.»

Yeso ɔ꞉ɓutosio ɓɔ: «Tɛa ngɨyɛ Asɔɓɨɨ aɓɛtɨa ɓɔ kieni, ya ɓɔ, nápɨeni báya ngɨyeno akʉʉ ɔ Mombi ngɨa a꞉mʉtʉma.»

Mombi muɓomu ngɨa Aba anɛmɨ aninjo, ɛ꞊ka andamɨ, nɔ mombi ngɨa anɨka andamɨ, ɨmɨ, nangɔmukponyomʉ pɔ bele.

Ga Simoni Pɛtɛlɔ nayɔ ɓɔ: «Ha Makwɔɓɨɨ, tabi pɨ ɓata isu tɨa atɨ anɨ? Ta ʉwɛ nangana akɛ, wakwanana aninjo ɓombi mapanʉ ngʉka kɔ uɓei wɔ mago nɔ mago.

Ɨmɨ akɛ, na mʉkatɨ ngʉwɔ wanɔ uɓei, ʉwa, wa꞉ngwa akʉʉ ɔ ɓisi. Mombi ɔdyeni mʉkatɨ ngʉwɔnanɨ, ɛ꞊nɨanɨa nɔ uɓei ngʉwɔ mago nɔ mago. Mʉkatɨ ngʉwa ɨmɨ naninjo ɓombi, ya ndʉtʉ ngɨyɛsɛmɨ ingainga ɓɔ kpɛ, dɔ, ɓombi bɔ dɔdɔ ɓɨnɨanɨa nɔ ɓʉhɛa.»

Mombi pɔ mʉngana angɔkwananamʉ anɨka andamɨ, yɔkɔɓienimʉ ta ɓɔ Aba ngɨasɛmɨ, ɨya a꞉natʉma akɛ ɔmisoko. Kʉɓanɨ, ɨmɨ, na꞊ɓʉjʉkaniso sina akɔ ingwo akɔ ɓisi ɓɔ mupipio.

Dɔ, mʉkatɨ ngʉwa Asɔɓɨɨ, ɨwɔ akɛ wanɨngwa akʉʉ ɔ ɓisi, nɔ, wɛnjo ɓombi ɓɔ dɔdɔ uɓei.»

Ɨmɨ akɛ, na mʉkatɨ ngʉwa wenjo uɓei.

Ga Yeso nɔ mɨkatɨ ngɨyɛnɛnɨ ɓɔ tʉɓa, ɔbibiso Asɔɓɨɨ, nɔ ɔ꞉ɓʉpakɨa ɓombi ngʉɓa ɓa꞉ɓio ananɨ ta ɓaɓomu ɓɔ sɛ. Ɔ꞉tɔɓʉpakɨa sipe kʉɓanɨ, mombi nɔ mombi ɔ꞉dya ta aka akʉnda-ɔɔ. Ɨyɛ ndʉ ɓa꞉mwotoo, ga Yeso nɔ ɓakpata ngʉɓangɔ ɓɔ: «Ponyokeni ligbiti ngɨlɛ lɔtukwoko ta liɓomu, ambɔ igbiti yɔngɔ yatɨyanakamʉ pɔ mɛngana.»

Ɨɓɔ tɨa ɓɔ ɓɔjieni nɔ kyɛnda jioni, tinetine ndʉ ɓakilomɛtɛlɛ ɓɔkʉ pɔ mɛɗɨa ɓɔ, ɓɔ꞉tɛna tɨa Yeso ɨyananɨ akyɛndaka akʉʉ ɔ mipo ɓɔ pa pa pa, ɨyɔ anɨka tɨta tinene nɔ ɨngbɔɔ. Kʉdɔ, ɓahuo nɔ ʉɓá ɓɔ fɔ! Yakamɛngana, ga Yeso naɓɔ ɓɔ: «Ta ɨmɨ ananɨ, nátɨkwamʉ ʉɓá!»