Vèsè popilè nan Bib la ki soti nan Joani 5

Pataje

Chalala chalala, nukuyileja nami, muntu wukutiya mazu ami, hakukuhwelela yena wantemesheli, wukweti wumi wahaya nyaka; hakamona kumusompeshaku, nafumi dehi mukufwa, nepili dehi muwumi.

Yesu chamumweniyi nakami, welukili nindi wakata dehi hanalehi, hakumwihula nindi, Wukukeŋa akukoleshi tahindi?

Enu mwatalatalaŋa munyikanda yajila, muloŋa mwatoŋojokaŋa nenu dimu mumukumwena wumi wahaya nyaka; yeniyi diyi yanshimunaŋami. Ilaŋa enu kwenu kwonti kwenu kwinza kudami kulonda mumoni wumi.

Yesu hakumwila nindi, Hiridukaku, sendaku yikaŋa yeyi, wendi. Hohe-nohu iyala yokola nikukola, hakusenda yikaŋa yindi, hakwenda.

Dichi Yesu hakuyakula nindi, Chalala chalala, nukuyileja nami, Mwana hatweshaŋa kwila chuma chakanka winduku, chiŋa amona chadi nakwilayi Tata. Yuma yelaŋa Tata yejima, diyi yelaŋa ni mwana nawa.