Vèsè popilè nan Bib la ki soti nan Yohani 5

Pataje

Nalyoli lyoli nkuvavuzyʼine nkuti: Uno wengʼakwiṿwʼizwi lyanʼine nukumwitiha wuyo wʼantumilʼine, wʼali navwo uvulanzi vwa shimashima, wʼatakufiha pilonjelwi, nkandi apoye muvufwe, ayinjiye muvulanzi.

UwenʼuYesu ahamwenya shʼalambalaye pupo, ahamanya ukuti adiliye nkani pupo, pʼahamuvuzilizya ahati: Ukasimʼukuzuzuvuha iwe?

Mukwanza muvakalata, she mukuti mwe tukuvwagʼuvulanzi vwa shimashima, she vuvo vakunkomeshezyʼine. Havilʼimwe mukusitʼukwinza kukwane ukusendʼuvulanzi.

PʼuYesu ahati: Vuhaga, sendagʼishilili shaho, ujendaje. Pʼumuntʼuno ahazuzuvuha pupo, ahasendʼishilili shakwe, ahajenda. Apene nyene pali pe pisabati umusanya wuyo.

PʼuYesu ahamula ahavavuzya ahati: Nalyoli lyoli, nkuvavuzyʼine nkuti: UMwana atamanyilʼukuvomba nimʼiyakwe wuyo, yiyo nyene yengʼamuwenyi akuvombʼuYise, ye yiyo akuvomba wope. She yonti yengʼakuvomba wuyo, ye yiyo wope nawe Mwana akuvomba.