Vèsè popilè nan Bib la ki soti nan Luqa 23

Pataje

Inna Ƹisa: "A Baba, ɣfar iwḏan-a qa war ssinen ca min teggen." Ȓƹaskar nni ggin lqurƹa x warruḍ nnes ḥima kuȓ ijjen min ɣa iysi.

Indeq-d Ƹisa inna-as: "Aqa tesȓiḏ ȓḥaqq: Nhara aḏ tiȓiḏ akiḏi ḏi jjenneṯ."

Ȓexddenni inna-as: "Ƹqeȓ xafi a Ƹisa xmi d ɣa ṯaseḏ ɣar ȓmulk nnec."

Iȓaɣa Ƹisa s yijjen n ṯmijja ṯejheḏ inna: "A Baba, nec buḥbeȓ inu sellmeɣ-ac-ṯ ḏeg ifassen nnec." Wami inna manaya yarra nnefs ṣafi immuṯ.

Wami uwḍen ɣar umcan nni umi qqaren Jumjuma, ṣellben-ṯ ḏinni ak ṯnayen nni n lmujrimin, ijjen x ufusi ijjen x uẓeȓmaḍ.

Ɣar ṯenƹac n uziȓ, ṯehwa-d ṯaǧest x ṯmurṯ amen-ṯekmaȓ aȓ wami ḏ ṯȓaṯa uƹecci. Ṯfuct ṯruḥ-as ṯfawṯ nnes, iqqarṣ arrwaq n ṯemziḏa ṯameqqrant x ṯnayen.

Aƹaskari nni ameqqran n arrumanus iy iǧan ḏinni wami iẓra min iweqƹen ibḏa isemɣar Arebbi inna: "Aṯarras-a ḏ ṣṣaḥ bariʼ iy iǧa."