Vèsè popilè nan Bib la ki soti nan LUKA 8

Pataje

Naibaly khaileaung kahawira y tla nai ly hinichi he: paleung kateng kahawi naimy leu thai iy patawm jojo i hawihai palai athai.

Naibaly kabeng aleng theung y tla nai ly hinichi he: nichi ly leu thai nai bo y vawi iy, heng khala y dawn nai saichi hawi, nang nairachi hawi, tlamsa nairachi my achih hai i athai thawn y.

Naibaly thaithi tleaung y tla nai ly hinichi he: nichi ly leu thai baly kawn prai naimy tangai ryp; na i py tangjyn den py ngo y i tanarei chy ym iy parawi nai neng tym khala ly anawn ali veng ryp.

Naibaly mymy ly nichi teng y, “Nangchi i ym naira ly ma mang y awm mo?” napi. Naibaly nichi ly jei i lyh parai nai, “Hini ly ami kha? Ali hawi tui sampyh malawn py leu pei i tangai lawh ly,” na u lengleang.

Naibaly lam teng y tla naichi ly leu thai naichi ne, naibaly diabola ly jeu i, nichi ly ym y iy pahengra ngo thai y ai nai, nichi i paleung theung i nai leu la pi praw veng.

Pheaung y ai nai apha nai ati sai py by y, pany y ai nai hawi amteng y ai nai leu kangviu ati sai py by y.

Naibaly neampachy ly aheu thai y, nanai pany i, kaso tahyn theu naimy chei iy, my i mo y ambeu: naibaly ni ai nam nai sai hawi, tlenrei khyh my ni i no hawi praw nai sai ly khumi bawibawi ka-niu y thui pi. Naibaly ni my ly mymy teng y, “Lo awi, nang i ym naira my ang hawihai nai bo, awmnem naimy tako ba,” napi.

Naibaly nichi ly mymy i ahawi y athui iy palaw i, “Areng, Areng, kaichi tama ai bo he,” napi. Naibaly mymy ly anglaw iy ali hawi tui sampyh ai py jo; naibaly aham i rym ryp bo.