Vèsè popilè nan Bib la ki soti nan Jeremi 14

Pataje

Zidòl moun lòt nasyon yo pa vo anyen. Pa gen yonn ladan yo ki ka voye lapli. Syèl la pou kont pa l pa ka bay lapli. Se ou menm ki Senyè a, Bondye nou an! Se ou menm ki tout espwa nou, paske se ou menm ki fè tout bagay sa yo.

Pèp la ap rele nan pye Bondye, y'ap di: — Menm si sa nou fè a kont pou kondannen nou, ou menm, Senyè, fè kichòy pou sa ka sèvi yon lwanj pou ou non! Paske se pa ni de ni twa fwa nou vire do ba ou nan fè peche kont ou.

Senyè, nou rekonèt nou antò. Nou rekonèt zansèt nou yo te fè sa ki mal. Wi, nou tout nou antò devan ou. Chonje ki moun ou ye, pa meprize nou! Jerizalèm, se la fòtèy pouvwa ou la chita. Pa avili l. Pa bliye pwomès ou yo. Pa kase kontra ou te fè ak nou an.