Vèsè popilè nan Bib la ki soti nan Jenèz 50

Pataje

Nou te moute konplo pou fè m mal. Men Bondye fè sa tounen yon byen, pou l te fè sa k rive jòdi a rive, pou l te ka sove lavi tout kantite moun sa yo.

Jozèf di yo: — Nou pa bezwen pè. Mwen pa kapab pran plas Bondye.

Non. Nou pa bezwen pè. M'ap okipe nou, nou menm ansanm ak tout pitit nou yo. Se konsa, Jozèf te pale byen ak frè l yo, li te di yo pawòl ki te touche kè yo, li remoute kouray yo.

Men sa n'a di Jozèf pou mwen: Tanpri, padonnen krim frè ou yo te fè ou la. Padonnen peche yo paske yo te fè ou mal anpil. Kounyeya atò, tanpri, padonnen mal nou te fè ou la, nou menm k'ap sèvi Bondye papa ou la. Lè Jozèf tande pawòl sa a, li pran kriye.

Li di frè l yo konsa: — Mwen pral mouri. Men mwen sèten Bondye gen pou vin ede nou. L'ap fè nou kite peyi sa a, l'ap fè nou tounen nan peyi li te sèmante l'ap bay Abraram, Izarak ak Jakòb la.

Apre sa, Jozèf fè pitit Izrayèl yo sèmante ba li, li di yo: — Wi, Bondye gen pou vin ede nou. Lè sa a, tanpri, pote zosman m yo moute ak nou.

Lè Jozèf mouri, li te gen sandizan. Yo benyen kò a, yo anbonmen li, yo mete li byen fèmen nan sèkèy li nan peyi Lejip.