Vèsè popilè nan Bib la ki soti nan Lucas 19

Pataje

Mei jɨɨ, o izoide ja oni baɨízaidɨno jenoda jíllotaɨbitɨcue. Nanoide Ɨima Jitódɨcueza, —daɨde.

Daɨdíaɨoɨ: —Ocuíraɨma mámecɨdo bite illaɨma caɨmare iri. Caɨmare uái illafue monamo íteza. Daje izói Juzíñamuimo ebire ñúefuiaɨna nitáfɨreiri, —daɨdíaɨoɨ.

Jira Jesús íena daɨde: —Daɨí o fɨ́nuamona Juzíñamui lloga jíllonafue birui jeire o úana ja onódɨcaɨ. Naui féiraitɨo, mei íadɨ birui ja jíllotagao. Ja Abraham comuítagamɨedɨo.

Jesús áfedo jailla llezica, caifo íemo érocaide. Iena daɨde: —Zaqueo, raɨre ana bi. Birui o jofomo fɨébitɨcueza, —daɨde. Ie mei Zaqueo raɨre ana billano Jesuna caɨmare llɨ́ɨnote. Ua Zaqueo jofomo jáidiaillɨnoɨ.

Iemo Zaqueo náidacaillano Jesuna daɨde: —¡Ocuíraɨma, ero! Cuemo ite ráanɨaɨmona dúeredɨmacɨmo átuedo fécaitɨcue. Daa come jɨ́fuiano naui merɨ́dɨcuenia áfena afémɨemo meine abɨdo izájitɨcue. Nane afe emódomo dacaiñoámani afémɨemo íitɨcue, —daɨde.

Iemo afénomo ite comɨnɨ cɨ́gɨmo fariseo ímɨiaɨna ite. Afémacɨ Jesuna daɨdíaɨoɨ: —Llófueraɨma, odo jáidɨnona “Uriñeno” o daɨíri, —daɨdíaɨoɨ. Mei íadɨ Jesús uai ote: —Omoɨna dáɨitɨcue, bimacɨ úriñenia nofɨ́cɨaɨ rɨire úrille, —daɨde.