Mukulu: Mattup ki Taasuwa ere Aware (New Testament)

Mattup ki Taasuwa ere Aware

<div class="version vid2433 iso6393moz" data-vid="2433" data-iso6393="moz">
 <div class="book bkMAT">
 <div class="chapter ch7" data-usfm="MAT.7">
 <div class="label">7</div><div class="s">Ki &#599;ekke booro a tukki bakad&#225; ye</div><div class="r">(Lik 6.37-38,41-42)</div><div class="p"> 1&#171;Kun &#599;ekke booro a tukki wede tuuku to&#331; ma&#331; ye, ge&#331; Raa to&#331; yi ki &#599;ekka booro eggu&#331; ye. 2&#394;erec, t&#700;urzi wede kun &#599;ekkiyo booro a tukki &#599;o&#331; o&#331;go ge&#331;, Raa to&#331; y&#700;a &#599;ekka booro eggu&#331;, wo dooziyo ere kun dooziyo a &#599;uwo gette, Raa to&#331; y&#700;un ti dooza a kune i&#331;kino kay. 3Ki moo me ki wolliyo un&#816;umu wede adda k&#700;ersa leemad&#225;, wo undumu wede adda k&#700;ersad&#225; ki gi di y&#700;owwiyo ye me? 4&#394;e mummino k&#700;a aane ki di roote a leemad&#225;, k&#700;a t&#700;eese: &#8220;K&#700;oolo n&#700;a di t&#700;am&#595;o un&#816;umu wede adda k&#700;ersad&#225; en&#816;n&#816;o&#8221;, wo kaci&#331; kee a-d&#700;ede undumu adda k&#700;ersad&#225; me? 5Kee wede biza sire sire, ki t&#700;am&#595;o undumu wede adda k&#700;ersad&#225; &#599;oo, i&#331;kino k&#700;a wolla keren&#816;, sa&#331; k&#700;a t&#700;am&#595;a un&#816;umu wede adda k&#700;ersa leemad&#225; kollo.</div><div class="p"> 6Mun&#599;a wede kamilen&#816; a &#599;aana Raa ge&#331; a gede ki-t&#700;ele ye, para ma&#331; y&#700;aa kima ki tudd&#225; y&#700;a ki ti k&#700;ahita. &#394;ogoro ere zooyat&#250; oon&#816;e gette kun se&#599;&#599;a a &#599;aana kinzir ye, para ma&#331; tode gette y&#700;a-t&#700;on&#816;&#436;ilsa ment&#250;.&#187;</div><div class="s">Kun tondo ti bey Raa kun t&#700;oona</div><div class="r">(Lik 11.9-13)</div><div class="p"> 7&#171;Kun tondo wo mun&#599;a an un t&#700;eela, kun dehito wo kun t&#700;oona, kun koppo biza wo an un di-t&#700;ihina. 8Wede tuuku yi tondiyo ma&#331;, mun&#599;a an i-d&#700;eliyo, wede yi dehutu ma&#331;, yi d&#700;ooniyo, wo wede yi koppiyo biza ma&#331;, an i di t&#700;ohine. 9Wee wee ti diinagu&#331; aame ul&#237; yi tunde om&#595;o ma&#331;, yi di t&#700;ele mokkolo me? 10Koo yi tunde puuniso ma&#331;, yi di t&#700;ele miipo me? Aha umbo! 11I&#331;kino ma&#331; kune &#599;o&#331; addugu&#331; ulpi to&#331;, kun suune eliyo sul&#599;i &#599;o&#331; majjan&#599;ani a in&#816;n&#816;igu&#331;. Wo ge&#331; ta&#331; miibi a ceere Meegugu&#331; Raa a kandaane y&#700;aane y&#700;an t&#700;ele sul&#599;i &#599;o&#331; majjan&#599;ani a &#599;o&#331; i yi tondiyo me!</div><div class="p"> 12Sul&#599;i &#599;o&#331; pay kun dehu &#599;uwo an un d&#700;ise ge&#331;, a kane to&#331; kun an iso i&#331;kino kay. Ge&#331; i&#331;kino ita k&#700;ono &#599;o&#331; pay an rii&#331;e ti kaaga adda mattup k&#700;oogoro Muusa ti &#599;o&#331; ki nebiyagi me.&#187;</div><div class="s">Urzi sire</div><div class="r">(Lik 13.23-24)</div><div class="p"> 13&#171;Kun t&#700;odo ti biza per&#436;e&#436;e. &#394;erec, biza goole ge&#331; yo&#331; urzi wede sooruz&#237; i k&#700;oon&#816;e ye, y&#700;a-da t&#700;ette k&#700;ume daggiya, wo &#599;o&#331; &#595;aada&#331; an a&#599;&#599;iya t&#700;urzi gen&#816;n&#816;o. 14Ki kotto biza per&#436;e&#436;e ge&#331;, yo&#331; urzi sooruz&#237; oon&#816;e, y&#700;a-da t&#700;ette k&#700;ume lekkiyo ere ki daayum, wo &#599;o&#331; baata a&#599;&#599;iya t&#700;urzi ge&#331; me.&#187;</div><div class="s">Undumu ti in&#816;n&#816;iz&#237;</div><div class="r">(Matiye 7.16-17; Lik 6.44-45)</div><div class="p"> 15&#171;Kun koona mentikagi ti &#599;uwo &#599;o&#331; an ti t&#700;isiyo tudda&#331; aa nebiyagi. An&#700;tiyo tuddugu&#331; kane tasse aa dam&#595;ami, wo kaci&#331; t&#700;adda k&#700;adda&#331; kane bundi&#599;i aa sullibagi. 16Ge&#331; kane kun di&#700;n suune a urzi sooruza&#331;. In&#816;n&#816;i k&#700;inda bin&#816; ekk&#700;undumu k&#700;ahimagi ki ki rakke ye, ise in&#816;n&#816;i tormo to&#331; ekki woskani ki ki rakke ye. 17I&#331;kino undumu tuuku beehiye y&#700;a t&#700;ehe in&#816;n&#816;iz&#237; to&#331; beehiye, wo undumu wede ulsu y&#700;a t&#700;ehe in&#816;n&#816;iz&#237; to&#331; ulpi. 18Undumu wede beehiye yi k&#700;aane yi ki t&#700;ehe in&#816;n&#816;i ulpi ye, wo undumu wede ulsu yi k&#700;aane yi ki t&#700;ehe in&#816;n&#816;i beehiye ye. 19Undumu tuuku yi k&#700;ehiyo in&#816;n&#816;i beehiye ye ma&#331;, yo&#331; ge&#331; an di &#599;ekka an di se&#599;&#599;a adda k&#700;uwwo mend&#237;. 20Ge&#331; i&#331;kino &#599;uwo &#599;o&#331; an ti t&#700;isiyo tudda&#331; kane nebiyagi kaci&#331; nebiyagi ye ge&#331;, kun di&#700;n suune a urzi sooruza&#331;.&#187;</div><div class="s">&#394;o&#331; etta &#599;aana Raa</div><div class="r">(Lik 6.46; 13.27)</div><div class="p"> 21&#171;Kane &#599;o&#331; an ni waaku: &#8220;Galmeegey, Galmeegey&#8221; ge&#331;, pay an ki t&#700;etta ye k&#700;adda Moziko Raa te. Wo etta kane &#599;o&#331; isiyo mun&#599;a wede Meego Raa a kandaane yi dehu &#599;a&#331;&#331;ala&#331;. 22A onniyo booro gette &#599;o&#331; &#595;aada&#331; an o di roota, an t&#700;eesa: &#8220;Galmeegey, Galmeegey, ki kotto ti sund&#225; ay ruutito ono &#599;o&#331; Raa y&#700;igibo, ti sund&#225; ay d&#700;ilmito siitan&#599;ani, ti sund&#225; ay d&#700;izito sul&#599;i k&#700;armika &#595;aada&#331; &#599;e me!&#8221; 23I&#331;kino ma&#331; n&#700;an di roota keren&#816;, n&#700;a t&#700;eesa: &#8220;Kune toc a&#331; wen&#599;a n&#700;un ki&#700;n zuune ye. Kun ti le&#599;&#599;o dokki ti tudd&#243; me, kune &#599;o&#331; isiyo sul&#599;i &#599;o&#331; ulpi!&#8221;&#187;</div><div class="s">&#385;oy&#599;i sire</div><div class="r">(Lik 6.47-49)</div><div class="p"> 24&#171;I&#331;kino wede tuuku y&#700;ollige ono &#599;o&#331; ni rootiyo en&#816;n&#816;o wo yi sooru eego ma&#331;, yo&#331; ge&#331; yi dee&#436;iso aa wede i-d&#700;ede elkiso y&#700;a t&#700;iiziga &#595;ooz&#237; eego pa&#331;giragi. 25Mizzi y&#700;a guppe ti maaye &#595;aada&#331;, oy&#599;ayi an d&#700;&#251;unite i pal&#599;ita waawiye. Maaye ti bormo ge&#331; an di &#331;ii&#436;a &#595;oy gen&#816;n&#816;o wo y&#700;a k&#700;iire ye, kono yo&#331; itad&#237; an ziipe ekki pa&#331;giragi. 26Wo &#599;e wede tuuku y&#700;ollige ono &#599;o&#331; ni rootiyo en&#816;n&#816;o wo yi ki sooru eego ye ma&#331;, yo&#331; ge&#331; yi dee&#436;iso aa wede elkisad&#237; umbo y&#700;a t&#700;iiziga &#595;ooz&#237; a dolso. 27Mizzi y&#700;a guppe ti maaye &#595;aada&#331;, oy&#599;ayi an d&#700;&#251;unite i pal&#599;ita waawiye. Maaye ti bormo ge&#331; an di &#331;ii&#436;a &#595;oy gen&#816;n&#816;o wo a ruuge pay.&#187;</div><div class="s">Isa yi dooyiso t&#700;urzi k&#700;aaye?</div><div class="r">(Markus 1.22; Lik 4.32)</div><div class="p"> 28Isa y&#700;a ti &#599;i&#331;ge dooyiso gettiyo ma&#331;, kane &#599;o&#331; duuru dooyisad&#237; gette t&#700;an di&#700;n zii&#599;a, 29kono yo&#331; yi dooyiso ti toogo suuniyo ere ki yode batum, wo aakede ki &#599;o&#331; suuniyo k&#700;oogoro ge ki dooyiso ye.</div>
 </div>
 </div>
</div>

«Kun ɗekke booro a tukki wede tuuku toŋ maŋ ye, geŋ Raa toŋ yi ki ɗekka booro egguŋ ye. Ɗerec, tʼurzi wede kun ɗekkiyo booro a tukki ɗoŋ oŋgo geŋ, Raa toŋ yʼa ɗekka booro egguŋ, wo dooziyo ere kun dooziyo a ɗuwo gette, Raa toŋ yʼun ti dooza a kune iŋkino kay. Ki moo me ki wolliyo un̰umu wede adda kʼersa leemadá, wo undumu wede adda kʼersadá ki gi di yʼowwiyo ye me? Ɗe mummino kʼa aane ki di roote a leemadá, kʼa tʼeese: “Kʼoolo nʼa di tʼamɓo un̰umu wede adda kʼersadá en̰n̰o”, wo kaciŋ kee a-dʼede undumu adda kʼersadá me? Kee wede biza sire sire, ki tʼamɓo undumu wede adda kʼersadá ɗoo, iŋkino kʼa wolla keren̰, saŋ kʼa tʼamɓa un̰umu wede adda kʼersa leemadá kollo.
Munɗa wede kamilen̰ a ɗaana Raa geŋ a gede ki-tʼele ye, para maŋ yʼaa kima ki tuddá yʼa ki ti kʼahita. Ɗogoro ere zooyatú oon̰e gette kun seɗɗa a ɗaana kinzir ye, para maŋ tode gette yʼa-tʼon̰ƴilsa mentú.»


«Kun tondo wo munɗa an un tʼeela, kun dehito wo kun tʼoona, kun koppo biza wo an un di-tʼihina. Wede tuuku yi tondiyo maŋ, munɗa an i-dʼeliyo, wede yi dehutu maŋ, yi dʼooniyo, wo wede yi koppiyo biza maŋ, an i di tʼohine. Wee wee ti diinaguŋ aame ulí yi tunde omɓo maŋ, yi di tʼele mokkolo me? Koo yi tunde puuniso maŋ, yi di tʼele miipo me? Aha umbo! Iŋkino maŋ kune ɗoŋ adduguŋ ulpi toŋ, kun suune eliyo sulɗi ɗoŋ majjanɗani a in̰n̰iguŋ. Wo geŋ taŋ miibi a ceere Meeguguŋ Raa a kandaane yʼaane yʼan tʼele sulɗi ɗoŋ majjanɗani a ɗoŋ i yi tondiyo me!
Sulɗi ɗoŋ pay kun dehu ɗuwo an un dʼise geŋ, a kane toŋ kun an iso iŋkino kay. Geŋ iŋkino ita kʼono ɗoŋ pay an riiŋe ti kaaga adda mattup kʼoogoro Muusa ti ɗoŋ ki nebiyagi me.»


«Kun tʼodo ti biza perƴeƴe. Ɗerec, biza goole geŋ yoŋ urzi wede sooruzí i kʼoon̰e ye, yʼa-da tʼette kʼume daggiya, wo ɗoŋ ɓaadaŋ an aɗɗiya tʼurzi gen̰n̰o. Ki kotto biza perƴeƴe geŋ, yoŋ urzi sooruzí oon̰e, yʼa-da tʼette kʼume lekkiyo ere ki daayum, wo ɗoŋ baata aɗɗiya tʼurzi geŋ me.»


«Kun koona mentikagi ti ɗuwo ɗoŋ an ti tʼisiyo tuddaŋ aa nebiyagi. Anʼtiyo tudduguŋ kane tasse aa damɓami, wo kaciŋ tʼadda kʼaddaŋ kane bundiɗi aa sullibagi. Geŋ kane kun diʼn suune a urzi sooruzaŋ. In̰n̰i kʼinda bin̰ ekkʼundumu kʼahimagi ki ki rakke ye, ise in̰n̰i tormo toŋ ekki woskani ki ki rakke ye. Iŋkino undumu tuuku beehiye yʼa tʼehe in̰n̰izí toŋ beehiye, wo undumu wede ulsu yʼa tʼehe in̰n̰izí toŋ ulpi. Undumu wede beehiye yi kʼaane yi ki tʼehe in̰n̰i ulpi ye, wo undumu wede ulsu yi kʼaane yi ki tʼehe in̰n̰i beehiye ye. Undumu tuuku yi kʼehiyo in̰n̰i beehiye ye maŋ, yoŋ geŋ an di ɗekka an di seɗɗa adda kʼuwwo mendí. Geŋ iŋkino ɗuwo ɗoŋ an ti tʼisiyo tuddaŋ kane nebiyagi kaciŋ nebiyagi ye geŋ, kun diʼn suune a urzi sooruzaŋ.»


«Kane ɗoŋ an ni waaku: “Galmeegey, Galmeegey” geŋ, pay an ki tʼetta ye kʼadda Moziko Raa te. Wo etta kane ɗoŋ isiyo munɗa wede Meego Raa a kandaane yi dehu ɗaŋŋalaŋ. A onniyo booro gette ɗoŋ ɓaadaŋ an o di roota, an tʼeesa: “Galmeegey, Galmeegey, ki kotto ti sundá ay ruutito ono ɗoŋ Raa yʼigibo, ti sundá ay dʼilmito siitanɗani, ti sundá ay dʼizito sulɗi kʼarmika ɓaadaŋ ɗe me!” Iŋkino maŋ nʼan di roota keren̰, nʼa tʼeesa: “Kune toc aŋ wenɗa nʼun kiʼn zuune ye. Kun ti leɗɗo dokki ti tuddó me, kune ɗoŋ isiyo sulɗi ɗoŋ ulpi!”»


«Iŋkino wede tuuku yʼollige ono ɗoŋ ni rootiyo en̰n̰o wo yi sooru eego maŋ, yoŋ geŋ yi deeƴiso aa wede i-dʼede elkiso yʼa tʼiiziga ɓoozí eego paŋgiragi. Mizzi yʼa guppe ti maaye ɓaadaŋ, oyɗayi an dʼûunite i palɗita waawiye. Maaye ti bormo geŋ an di ŋiiƴa ɓoy gen̰n̰o wo yʼa kʼiire ye, kono yoŋ itadí an ziipe ekki paŋgiragi. Wo ɗe wede tuuku yʼollige ono ɗoŋ ni rootiyo en̰n̰o wo yi ki sooru eego ye maŋ, yoŋ geŋ yi deeƴiso aa wede elkisadí umbo yʼa tʼiiziga ɓoozí a dolso. Mizzi yʼa guppe ti maaye ɓaadaŋ, oyɗayi an dʼûunite i palɗita waawiye. Maaye ti bormo geŋ an di ŋiiƴa ɓoy gen̰n̰o wo a ruuge pay.»


Isa yʼa ti ɗiŋge dooyiso gettiyo maŋ, kane ɗoŋ duuru dooyisadí gette tʼan diʼn ziiɗa, kono yoŋ yi dooyiso ti toogo suuniyo ere ki yode batum, wo aakede ki ɗoŋ suuniyo kʼoogoro ge ki dooyiso ye.

Koute Matiye 7